Nikoline på Landet

Den vesle kofferten med den lange historien -

2012-01-20T17:38:00.000+01:00

I 1949 gjekk ein ung maskinist i land i Newcastle mens skipet lasta ombord for frakt til Frankrike. Maskinisten hadde eit bestemt ærend i land – han skulle ha ein LITEN koffert som kunne romma det aller mest nødvendige.

Då skipet ankra opp i Le Havre gjekk maskinisten i land – han ville prøva loffarlivet gjennom Frankrike og det var til dette formålet kofferten var innkjøpt. Etter å ha vandra landevegen – MED DEN VESLE KOFFERTEN – mønstra maskinisten på eit nytt skip i Marseille og sette kursen mot moderlandet Noreg.

Eit par år seinare stifta han familie og vart “landkrabbe”, bygde hus og vart yrkesmilitær. Den vesle kofferten vart lagt på loftet og gløymd (ein brukar ikkje KOFFERT i militæret ….*S*) Endå nokre år gjekk og maskinist-militæren fekk ei lita dotter som gjekk for GULLHØNA. Ho hadde ei mor som var ein kløppar med dokkeklær,sydde og strikka dei mest fantastiske garderobar! Då Gullhøna etterkvart ønska seg noko å ha alle desse dokkekleda i, dukka minnet om kofferten på loftet opp i hukommelsen deira og den vart henta fram i lyset att. Gullhøna lika ikkje kofferten – den var “brun og STYGG!!!” Faren fortalde om historien til Englandskofferten og mora fann fram ein boks med kvitmaling som Gullhøna kunne få mala med SJØLV og kofferten vart ein fast følgesvenn gjennom heile barndommen. Dagleg kunne naboane sjå ho trippa avgarde med gul dokkevogn og ein kvit koffert i hånda.

Den 5 år yngre broren var veldig misunneleg på DEN KVITE KOFFERTEN, den hadde passa sååå godt å ha småbilar i !! Etter som åra gjekk slutta sjølvsagt Gullhøna å leika med dokker og etter mykje mas fekk broren lov å LÅNA kofferten til Matchboxbilane sine.

Mange år gjekk før Gullhøna ein dag oppdaga at kofferten var borte vekk – bror hadde teke den med seg då han flytta heimefrå og påstod hardnakka at kofferten var HANS! Det hjelpte ikkje kor mange gonger maskinistmilitæren og dokkeklærsyerska fortalde han historien og at det ikkje var hans koffert….

Kofferten var flytta og inneheldt småbilar, men den var ofte samtaleemne når søskena treftes – DEN KVITE KOFFERTEN - Gullhøna gav etterkvart opp og innsåg vel at slaget sannsynlegvis var tapt. Det vart lenger og lenger mellom kvar gong temaet kom opp og til slutt var det ingen som lenger nevna den kvite kofferten i familien.

På veslejulaftan i 1995 feira Gullhøna 40årsdagen sin og bror kom med pakke som “skrangla” Då ho fekk av papiret åpenbara DEN KVITE KOFFERTEN seg med ein stor marsipangris oppi og eit “unnskyld”

GULLHØNA er sjølvsagt meg – Nikoline på landet – og snipp,snapp,snute – så var kofferthistorien ute

-- NESTEN --

No inneheld den 63 år gamle vesle kofferten (25x40cm) glansbilder i staden for dokkeklær, men det aller første målearbeidet mitt frå 1960 er intakt. Utan å gjera noko med akkurat DET har den likevel fått piffa seg opp litt i løpet av dagen i dag med musefrøken “på loffen” og eit ordtak som dokkeklærsyerska skreiv i minneboka til Gullhøna.Dermed har eg fått teke med litt frå dei begge føler eg, mine kjære foreldre som gjekk så altfor,altfor tidleg bort.

Ei fin,god helg ynskjer eg deg som er innom -

og om du skulle lura…. kofferten gje eg ALDRI ifrå meg ein gong til… :0)

RESTEFEST på nyåret…

2012-01-18T10:59:00.000+01:00

Når ein surfar litt rundt på nettet er det utruleg masse fint å finna til inspirasjon og glede! Småbroderi er ein av tinga som verkeleg får det til å klø i fingrane og som gjev meg eit puff til å rota rundt i skuffer og skap etter stoff, broderigarn, blonder og dilldall…. (det er utruleg kva eg har….) Så er det fram med rutepapir og blyant for å setta saman småting frå her og der til eit mønster (og milde moses så mange timar av livet mitt eg har brukt til tegning på rutepapir - heilt frå eg var bitte liten har eg dreve med slikt!)

Eit broderi kan brukas til så mangt.

Og saman med knappestolpe frå ei utvaska skjorte, eit dongeriskjørt, gamle gardinbånd, nattdress etter svigerfar, ein blondebit og linning frå dongeribuksa til brannmannen kan det bli til DETTE :

EI VINTERVESKE :0)

Eg elskar slikt arbeid og eg stortrives med alle prosessane fram til ferdig resultat! No manglar det berre hankar på denne veska så kan eg ta den i bruk.

Neste veske er allerede godt i gang – det skal bli litt meir “sommar” – de får heilt sikkert sjå meir til denne framover….

Utanom brodering/sying er det jo sjølvsagt andre ting på gang *** Nikoline i eit nøtteskall ***…..

Denne søte frøkena skal eg kosa meg med til helga. Kva det skal bli…?? Vent og sjå…. :0)

Tam–tam- ta–tahh…!

2012-01-13T18:36:00.000+01:00

Her har me ein vinnar…!!!

Fredag 13.januar og absolutt siste frist for å hiva ut jula, i alle fall etter gamalt ordtøke. Tjuendedag Knut jagar jula ut sa dei før i tida…

Og fristen for konkurransen her hjå meg er også over, no er vinnaren av eit vakkert skilt frå Ramsign trekt!

Og den heldige vart - - - trass i at det er fredag 13. (eller kanskje nettopp derfor!) -

*** Porselensdama Liv med den herlige bloggen Blått til lyst - GRATULERAR!!! ***

Då takkar eg hjarteleg alle som ville vera med i trekningen – TUSEN TAKK! Men av 58 lodd vart det altså LIV som vart den heldige i kveld. Send meg ein mail (du finn adr.mi til høgre her) med navn og adr. så skal eg formidla det vidare.

GOD HELG FOLKENS! Og tusen takk for alle dei koselege kommentarane de har lagt igjen her hjå meg! Ekstra kjekt at søskenbarn Marit i Lofoten har funne fram til Nikoline på landet og lagt att nokre ord, det sette eg veeeldig stor pris på! Takk for det Marit :0)

HMMM… det må no vel vera fleire…..

2012-01-07T15:51:00.000+01:00

– av langt over 100 som var inn på forrige innlegg som vil ha eit flott emaljeskilt til huset enn dei 18 som hittil har meldt seg på konkurransen????

Det vert trekning neste fredag så no må du nytta sjangsen og melda deg på!

I heimen er jula borte vekk og i hallen er det vinterleg og lyst.

Og litt av julegåvene er kome på plass – ny vase og lysestake i krystall. Vasen er frå Finn Schøll og er alldeles super!

Den nye lykta har fått sin plass i kjøkkenvindauga og lyser så koseleg med sitt nostalgiske gatemotiv i januarkvelden.

Ha ein fin laurdagskveld då – og meld deg på konkurransen i innlegget under her så kanskje det vert AKKURAT DU som er heldig og får eit fint nytt skilt frå Ramsign!

Takk til kvar og ein av dekan som har meldt interresse!!!

Første kvardagen av det splitter nye året…

2012-01-02T19:22:00.001+01:00

- - - - og eg startar kvardagen med eit lotteri !!

I romjula kom det ein koseleg e-post til meg frå RAMSIGN som vil sponsa eit vakkert emaljeskilt til utlodding her på bloggen min – og slikt tek me sjølvsagt imot med stor takk!

Skilta er nydelege – ekte gammeldags håndlaga emaljeskilt med originalt design, 30 års fabrikkgaranti og fornøydgaranti i tillegg! Det skulle borga for at det er kvalitet det er snakk om her!

Vinnaren får eit valfritt husnr.skilt med 1 – 5 tal i storleik og design etter eige ynskje. Dette må du ikkje gå glipp av, kom igjen og “kjøp lodd”!!!

Eg gjer som eg ser det er vanleg her i bloggeland når det er konkurransar :

1 lodd for kommentar i dette innlegget

2 lodd for kommentar og følgar av bloggen min

3 lodd for kommentar, blir følgar og legg link til bloggen din med bildet over her og “anonserar” konkurransen.

Bli med !! (og skriv i kom. kor mange lodd du tar)

Fortsatt godt nytt år folkens – og gløym ikkje å ta ein titt inn til Ramsign for å sjå på alle lekre skilta dei lagar;0)

Takk for året som har gått.

2011-12-31T12:45:00.000+01:00

Det har vore eit nokså turbulent år med mykje sorg og uro, men også med store gleder.

Det verste har nok vore all sjukdomen i vår næraste familie på begge sider med tilstandar som kreft og hjartestans der ein ikkje visste kva utfallet ville verta, men innimellom all uvissa,vonde dagar og nattevåk har det vore store glimt av glede.

I slutten av juli kom vesle Leah til verden (vårt 4.barnebarn) og me fekk ein SUPER tenåring i heimen, David på 15 år!

Hus og atter hus har stått på agendaen gjennom heile året,så eg får la dette bildet vera representativt for 2011…..

No går me inn i 2012 med EITT stort ynskje – at det skal enda bra med alle i familien og at storebror kan erklærast frisk utpå vårparten!

Sorger og gleder i kvardagen er vel Å LEVA – sjølve livet – men eg håpar på at det ikkje vert like mykje av det i året som kjem som det var i året som gjekk. Litt mindre LIV med andre ord.

Då takkar eg for all glede de har gitt meg gjennom bloggen i “gode og vonde dagar”, eg har sett stor pris på kvart enda ord!

Ynskjer alle eit riktig GODT NYTT ÅR og takkar for det gamle. Måtte kvar og ein få fine,nye dagar!

Nyttårshelsing frå Nikoline

Bekymringsmelding–korleis vil dette ende???

2011-12-29T12:25:00.000+01:00

Kalendaren viser 29.desember -

Adventstakar står framleis i vidaugskarmen og nissane kosar seg framleis i “rampelyset”…

Og i mildværet tok eg ein rusletur rundt i hagen. Til stor bekymring….

Slik ser det altså ut i blomsterbeda – alt spirer og gror! Aller verst synes eg det var å sjå clematisen stå med store skudd der til og med bladverket var godt utvikla :0( Det kan jo ikkje gå anna enn gale!

Melsdagane i fjor baud på meterhøg snø og mellom 25 – 28 iskalde grader, i år ruslar ein rundt huset på barmark og ser det spirer og gror. Kontrastane er store! Har du teke ein titt i dine blomsterbed…??

Tusen takk for alle gratulasjonane med vel overstått gebursdag, riktig koseleg!! Og framleis god jol :0)

God jol i stova….

2011-12-27T16:51:00.000+01:00

Dette var MIN dag -

med mange fine gåver dagen før dagen:0)

Klokke – kalendar – lykt – bok – pengar

(Så no tippar det feil veg, gitt …. nærare 60talet enn 50talet no…)

Håpar de har ei fin julefeiring i både storm og stille og at dei fleste har lys og varme i heimen.

Det roar seg snart i heimen no og då skal eg på ein etterlengta runde hjå kjende og kjære i bloggeland:0) Tusen takk for alle dei fine og gode kommentarane de legg att hjå meg – trass mitt fråvær når det gjeld kommentarar…. det skal bli betre – lovar!

Framleis GOD JOL!

God Jul til store, God Jul til små – God Jul til alle som bankar på!

2011-12-20T14:07:00.001+01:00

Tida strekk ikkje til for alt ein har tenkt den til, og då er det først og fremst blogginga det går ut over…

Eg nyttar høvet i dag til å ynskja alle som ein ei RIKTIG GOD JUL!!

Me knottast utpå nyåret om ikkje før :0)

PS:

“LAFFEN” har fått seg nye klær til han skal helsa på folket som hastar forbi i gata, men nye sokkar og sokkaband lyt han venta med til matmor finn fram att strikkepinnane i melsdagane. ( Han kan ikkje forventa å få ALT på ein gong – sjølv om han er blitt sjefsnissen i heimen….!)

Siste PS:

Hanguren idag – minus 5 grader og strålande sol – ein draumedag i førjulstida!

Eg er i eit lysande humør for tida -

2011-12-07T16:16:00.000+01:00

- bokstaveleg tala!

Først av alt ; TUSEN HJARTELEG TAKK for alle gode ord om adventskalendaren til tenåringen! Det var nesten ikkje måte på til skryt både på kommentarar og mailar…. SÅÅÅ unik var den dog ikkje…

Julesnøen har dala ned og i dag har me hatt ein fantastisk flott dag med strålande sol og minus 12 grader, betre enn dette kan me ikkje ha det på denne mørke årstida!

Sterkt inspirert av Dordi har eg dei siste dagane “forska” på og laga lys med eigne bilder som motiv. Eg presiserar at det KUN er på forskningsstadiet endå og eg har brukt litt nostalgiske bilder frå nettet foreløbig, det får vera greit nok under prøving/feiling. Har tidlegare laga litt lys med serviettmotiv på, men dette med eigne bilder åpnar for så uendeleg mykje større mulegheiter!

Dette (og litt til…) er resultatet til no -

Og i stille kveldsstunder klirrar strikkepinnane i takt med sprakinga i ovnen….

Så som de forstår – eg er i eit lysande humør for tida – og eg er sååå glad for at snøen endeleg er komen!

Har du kjent gleda slik som eg

ved den første snøen som fell på din veg?

Håpar du kosar deg litt innimellom i førjulstria, adventstida skal vera ei god og forventningsfull tid :0)

Ein får gjera det beste utav det -

2011-11-30T12:47:00.000+01:00

og prøva på litt julestemning via bilder i ruskeveret!

Først til det “hemmelege” prosjektet som har vore på gang i heimen.

Med tenåring i hus må det adventskalendar på veggen att etter gamalt, og 15 år er såvisst inga aldersgrense for den slags sjølvsagt… Fleire gonger har tenåringen stillt spørsmål om kva eg strikkar på og kvar gong har han fått samme svaret – ei hemmelegheit -

I dag har eg hengt hemmelegheita på veggen til han kjem frå skulen og oppi kvar vott er det putta i noko godt, alt klart for morgodagen :0)

Og mens regnet piskar på rutene idag, blir Storenissen stadig meir “kledd” for vinter og snø før han skal leva eit kaldt trappeliv om nokre veker…

Han har fått vottar med grått rosebroderi, strikka kant på hua slik at det blir heitt om øyrene, og han har fått ringledusk i toppen av hua slik at han kan sjå kva retning vinden bles til ei kvar tid… Viktige ting for ein nisse alt i alt… Men jakka er ikkje begynt på endå,håpar han får den til jul.

Eg er i 0,0 julestemning og “pynten” denne veka er eit par rosevottar slengt over rokken og eit tovahjerte (meir eller mindre slengt det også) på ein krok i hallen….

Er det været som kan ta skulda???

God 1.adventsøndag i by og bygd.

2011-11-27T12:44:00.000+01:00

Ei heilt enkel adventspynting vart det på Junibakken i år.

Og dette er “garasjeprosjektet” eg har skrive om tidlegare på bloggen -

Vinduet vart bytt ut i ei enkel vindusramme – det vart så tungt med glas i…

Som du ser så er det klart for å snøra på seg skøytene for både Nikoline og Brannmannen, det er berre det at Vangsvatnet ligg uten is og plenane er grøne og frodige i Vossebygda (og at det er nærare 40 år sidan både Nikoline og Brannmannen gjekk på skøyter på “Vangsen”)

Det er ikkje mykje julestemning å spora utendørs, det bles og regnet piskar mot rutene, då er det godt å vera inne, fyra i ovnen med sprakande bjørkeved, tenna levande lys og finna fram strikketøyet.

Kos deg du også:0)

Ein raud tråd -

2011-11-25T11:59:00.001+01:00

- i desse førjulstider…

Ikkje før har eg lova både meg sjølv og andre at symaskina skal pakkast langt inn i skapet så er den søren meg komme fram att !! Det er ikkje snakk om mykje sjølvdiseplin her i gården…

Men fiiine julestoff fristar – og nokre koppunderlag er det vel så absolutt behov for til jul??

MUGRUGS pynta med litt grøne sting og perler – synes dei vart fine eg:0)

Og meir raud tråd vart funnen fram – av litt tjukkare slag. Og her kjem dette med sjølvdisiplinen inn att… Eg hadde lova meg sjølv at i år skulle det ikkje ein einaste ny nisse i hus!

Og kva trur du eg gjorde då eg såg denne sjarmøren sto og blunka til meg? Tok han med heim…

Til mitt forsvar kan eg sei han skal ikkje inn i hus, han skal stå ute på trappa. Men enn så lenge må han opphalda seg i ei mørk krå innandørs for han var ikkje så veeeldig velkledd stakkar…

Det første han får av nytt er raude “sokkar” og raude vottar må han ha når han skal ut. Seinare vert det ny lusekofte, de skal få sjå kor staseleg han vert!

Ute lynar og tordnar det no så det luraste er å avslutta innlegget her og no og få slått av dataen, men ein bitteliten smugkikk på adventsprosjektet som går føre seg i garasjen skal de få før eg dreg ut kontakten.

Ei riktig,riktig god adventshelg ynskjer eg alle som er på besøk her:0)

Vekselbruk skal vera så bra har eg høyrt -

2011-11-18T13:47:00.000+01:00

- så i stoort overmot drog eg idag fram symaskina og plasserte den midt mellom malingsboksar og penslar….

* det kan då ikkje vera all verdens vanskeleg å sy nokre beine saumar rundt ruter som er markerte på stoffet vel?? *

Åjau du!!! Eg sler om meg med faguttrykk som quilting og lukkekantar – men det skal bli slutt på det no – det skal bli slutt på å sy med maskin i det heile! (heilt til neste gong eg trur at “det der er då ikkje vanskeleg,vel…?) Ein liten adventsduk med ein bitte liten kant rundt ( sjå der – eg har allerede tatt lærdom og brukte ikkje ordet LUKKEKANT) skal leggast på bordet neste helg til skrekk og advarsel for meg sjølv ; NIKOLINE , DU KAN IKKJE SY – HUGS DET HERETTER!!!

Vekselbruket overlet eg herved til bøndene og symaskina skal langt inn i eit skap, så får eg prøva å halda meg til ting eg mestrar litt betre enn sying.

Ei skapdør er under arbeid – på langt nær ferdig -

Nostalgiske sjømotiv og barn var “ordren” denne gongen.

Så har eg malt eit par nye motiv til julesokkar, eit KJEKT arbeid!

Brannmannen min skal på “dill” i helga mens eg skal “dilla” meg i heimen (saman med tenåringen) Nytt Lev Landlig kom i postkassa i dag, julemarsipanen skal prøvesmakast – det er lov i ei sådan stund – og på kjølen ligg det godt til glaset. (NB: vinkruset er fyllt med saft så tidleg på dag altså, berre så det er sagt)

Då ynskjer eg alle som skal delta på julemesser rundt om i Noregs land i helga lykke til og riktig god helg til alle som tok turen innom her hjå meg:0)

Oldemor Petrine samla neppe inn kongler og kvist…

2011-11-13T16:55:00.001+01:00

– men broderimønster samla ho i alle fall på!

Eg har eit søskenbarn som er så heldig at ho har arva masse,masse gamle mønster og tegningar etter oldemora vår, og eg er så heldig at eg har fått tatt del i “herligheten”…

Til dåpsdagen min fekk eg ei lita kiste og syskrinet til oldemor i gåve av henne. Syskrinet hadde ho fått hjå sin bestefar (altså min tip-tip-oldefar) og det var fyllt med gamle mønster,tegningar og utklipp. Det har eg kasta då eg var jentunge … at det GÅR AN !!!! Men som sagt, eg har fått “litt igjen” og eg ser no kven eg har arva min lidenskap for ord og initialar av. Det er dusinvis med variasjonar av alfabet og visdomsord m.m. etter oldemor.

Duken bredes,bordet Prydes, The og kaker mykke bydes. I huset vorde ro, fred, Kjærlighet og tro.

Uten arbeid og umag, ingen rett lykksalig dag.

Små ord av kjærlighet sagt hver dag, gir hjemmet lykke,trivsel og behag.

Eg skal ta godt vare på denne skatten etter vår kjære oldemor frå Lurøy på Helgelandskysten, og eg håpar eg ein gong får tid til å sy/brodera ein del av dette ho har sete og gjort før meg.

******* ******* ******* ******* ******* ******* *******

Så over til MI SAMLING – dagens fangst etter søndagstur i skogen.

Dette skal det bli mykje fin julepynt av….

Og mens konglene kosar seg på 50 grader i ovnen og blir lubne og blanke, er det så smått begynt å bli hjerter av mosen. I garasjen står det ei vindusramme, ei lyslenke, einerbusker og eit par skøyter som fristar veeeldig å få gjort noko med – men det er framleis 2 veker att til advent så eg må la det bero ei stund til…. LYST Å SJÅ KVA DET BLIR??

Med 1000 idear i hovudet ynskjer eg deg ein flott søndagskveld og kreative veker fram mot advent:0)

Ha ei fin-fin helg…den første i november:0)

2011-11-04T16:35:00.000+01:00

Det var fleire som håpa på å få sjå ferdig resultat av julesokkane -

- så her kjem bilder på dei første som er blitt heilt ferdige.

Ei avslappande helg står for døra her i huset, bortsett frå litt vasking skal eg berre kosa meg med ting eg likar å gjera. Eg skal også prøva å få lagt att litt kommentarar rundt i blogglandia, så får me sjå korleis det går…. gong på gong skjer det at eg blir logga av når eg skal “publisera” kommentaren – håpar det er tilvenning frå ny fiberkabel som gjer det og at det vil gå seg til etter kvart. Hjå nokon går det heilt greit,hjå andre er det reine “marerittet”- som hjå deg Berit T… har lagt inn kommentar 5 gonger uten hell… men eg har slett ikkje gitt opp så eg kjem innom att utover kvelden:0)

Me skriv som sagt novemberhelg – og med denne einslege novemberblømande rosa på terrassen i låg novembersol ynskjer eg alle ei riktig god helg!

I kveld slår eg eit slag for husbonden…

2011-11-02T21:27:00.000+01:00

Eg var så vidt innpå det tidlegare her, husbonden hadde vore på handel.

Overraskelsen var stor kan eg lova, han kom heim med benk og konsollbord til hallen.

Veeeldig fornøyd konemor:0)

(Eg har store problem å komma inn på googlekontoen min for tida, nokon andre som strir med samme problem eller kan ny fiberkabel i distriktet her vera årsaka skal tru?)

Vesle søte Hønse-Lovise og vennene hennar.

2011-10-28T12:25:00.001+02:00

Aldri har eg vel kost meg meir med eit arbeid enn eg gjer no!

Eg produserar julesokkar – og eg får tegna, mala, brodera og pynta på eitt og samme arbeidet :0)

Først tegnar eg opp eit koseleg motiv -

så er det fram med måling og penslar -

etterpå er det nål og tråd for å brodera rundt smånissane -

så må motivet plasserast og sokken syast -

og heilt til slutt skal det pyntast med bånd,litt grønt og tova hjerter.

10 julesokkar er i produksjon,alle med forskjellige motiv. Hønse-Lovise er den søtaste der ho tøflar ut for å henta egg til julefrukosten… – mens Sigurd må vel vera Kongen av Piruettar…?

Dette er salsprodukt, men eg held på med litt smånissebroderi til mitt eige julehus også.

To puter og ein liten snippduk til hallen skal dette verta. Tenåringen i huset er litt “oppgitt” over at huset flyt av nissar rundt om i oktober månad, men skal det verta ferdig til denne jula må eg nok berre fortsetta med nissar og raud tråd i ledige stunder.

Siste helga i oktober står for døra, me går inn i den mørke november og klokka skal stillast til vintertid. Eg er så smått begynt å venta på snøen og vert som ein unge når dei første snøfillene dansar i lufta, då dansar Nikoline med!!

Ha ei flott helg folkens – eg for min del skal tilbringa heile laurdagen på biblioteket (og håpar på å komma heim til ferdig graut kl.15… las du dette – brannmannen min..??)

Trur du at dei gamle munkane likte blondestas?

2011-10-05T12:13:00.000+02:00

- eg trur – I alle fall nokon av dei…

Eg likar munkar – Bergslien sine munkar – og no har eg tatt det heilt ut. Dei er havna i sofaen saman med meg!

Dei er runde og joviale og dei har det rette glimtet i auga. Dei er nokså drikkfeldige og nokså glade i damer.

Eg likar dei….

Dette er heilt sikkert Andreas, på ein bedageleg rusletur i kveldinga. Han funderar over livet der han tuslar fram på den smale sti.

Eg likar han….

Og “Han Peder” er den som er mest frimodig av dei.Han likar det vakre og går ikkje av vegen for ein liten flørt.Blir han overstadig frista flytter han bønelekkja bak på ryggen.

Eg likar han også….

“Johan” er meir fanden-i-volsk og agnar gladeleg med levande frosk på fisketuren. – og dessuten har han neglesopp på stortærne -

Eg er ikkje heilt sikker på om eg likar han… Aller nådigst får han vera med i sofaen.

Favorittmunkane er brødreparet “Elias og Pondus”. Dei er alltid blide,dei puslar stort sett i hagen og passar godt på urtebeda men dei har sine svake sider dei også.Elias brukar seine kveldstimar til hekling og brodering, mens Pondus tel mykje på knappane om han har tatt det rette valget her i livet

Åhh… kor eg likar dei….!

Og trur du ikkje – i all si frimodigheit – ville dei sanneleg ha seg eit nummer også…? (og eit nummer fekk dei)

Slik drøymer Nikoline seg bort i eventyr og fantasiar, spinn historiar og “døyper” dei med navn, mens ho storkosar seg med å sy nye puter med blonder og stas til sofaen.

Ha ein fin,god dag, med eller uten godslige munkar til selskap:0)

Eg er i gang – er du??

2011-10-03T11:50:00.000+02:00

Og er du klar over at det er 54 dagar att før me skal finna fram adventstjerna og tenna det første adventslyset…???

Og som meg så veit du sikkert også kor fort dagane fyk avgårde…. Så no er eg i full gang med julepussel. (Og NEI, det er IKKJE for tidleg!) Skal du riktig kosa deg med det må du begynna no… berre så DET er sagt….

KONGLER – store og små.

Hekla stjerner i lodden angora, litt grønt og eit par små kvite roser.

MUS – enkle og doble.

Strikka i lodden angora, og dei har med proviant i form av både nøtter og “ost”

Og så har eg lete meg inspirera av Karis Atelier (ei fantastisk dame som veit å nytta naturen!! Du finn bloggen i lenkelista mi)

MOSEKULER – store og små.

Må ta meg fleire skogsturar så eg kan sanka både kongler,kvistar og reinsmose!

Dett var dett – det er altså som sagt 54 dagar til advent!

Ha ein fin dag:0)

Eg tek vare på det meste -

2011-09-28T11:28:00.001+02:00

… og kan vel trygt kalla meg ein samlar, noko som kan vera til fortvilelse mang ein gong for han som bur saman med meg…!

Då eg skulle tøma kleskapa etter svigerfar tok eg vare på alle pyamasar og skjorter, vaska det og spretta det opp i saumane. I sommar vart pyamasar,skjorter og dongeri til ein blå,blå duk –

- eller eit teppe om ein vil det. Med blondekant…

Kjøkkenet er ellers også fyllt med blå detaljar for tida før det om eit par månadar går over til raudt.

Men det var altså pyamasduken eg ville visa deg i dag – no må eg snart “hiva meg” på toget til Bergen – skal på MR i ettermiddag.

Ha ein fin-fin dag alle mann:0)

Ei hausthelg lakkar mot slutten..

2011-09-18T21:01:00.000+02:00

Himmelen visar seg nesten dramatisk i haustkvelden -

- og i gårmorgon kunne me notera første frostnatta. Litt tidleg det,synes eg… men frostnetter betyr jo fine dagar då.:0) Eit anna tegn på haust kom i stova i kveld – tynne lette blondegardiner vart bytt ut med dei litt lunare “vinter-halvårs-gardinene” og ærleg talt synes eg det var riktig så koseleg.

Helga har vore av det gooode slaget . Bergenshelg i selskap med gode venner, overnatting på Hotell Norge, revy med RASKE MENN, godt vær og god mat! Med andre ord:HEILT TOPP! (riktignok regna det i Bergen i dag, men gårsdagen var mild og fin.) Då me ankom Voss i ettermiddag avslutta me helgesamværet med middag på kinarestauranten og gjekk kvar til vårt. Eg for min del – rett heim og hengde opp haustgardiner…..

Litt haustfint er det blitt utfor døra også. Mykje har takka for seg (og mykje er framleis ikkje planta og laga ferdig…!!) i hagen,men ein del held stand endå. Hortensiatreet – som er det einaste som står att etter svigermor sitt mangfald av plantar her i hagen – blømer så det er ein fryd!

Og jordbær…. både bær og blomar i mengeder framleis!

Denne har blømd sidan tidleg i mai. Her synes eg også de må merka dekan den flotte blomekassa som Vetlajento har laga til meg, kjem litt dårleg fram kanskje…

No håpar eg på nokre fine haustdagar framover så eg kan gjera hagen vinterklar – som de ser så står hagestøvlane klare og ventar på soliga dagar:0)

Håpar det er ei fin og god helg som snart er over for dekan også – eg har i alle fall fått lada batteria for ein ny vekestart. No startar det ny serie om Kennedy på NRK, den må eg ha med meg.

Ha ein fin kveld vidare alle som er innom meg:0)

Lat meg få presentera…

2011-09-13T16:56:00.000+02:00

– mitt (vårt) fjerde barnebarn!

Fødd på sjølvaste terrordagen. Herlighet for ei lita god og snill jente! De kan tru Besto har storkosa seg nokre dagar no!!

Og storesøskena var svært stolte over den nydelege “familieforøkelsen”

Dei overtok etter tur for kvar minste knyst som kom frå vesle Leah.

Men det tek på å vera så populær :

No er huset tomt og Besto går og snusar rundt etter restane av babylukt som har fyllt huset dei siste dagane.

Trønderprinsessa vår har vore på shopping med Besten,berre dei toan,og då vart det VOSSATAUS på brystet.Dei hadde også kjøpt med seg body til Leah – VOSSAKRYP – huffameg… det hadde vel neppe blitt den teksten på dersom Besto hadde vore med… Gutane går sjølvsagt rundt med VOSSAKAR på brystet…!

Men Besten har vore på shopping tidlegare i haust også han – til mi stooore overrasking var det møblar det dreia seg om denne gongen – det får komma i eit anna innlegg -

På badet går det framover smått om senn.

Fann ein speigel eg så ABSOLUTT ville ha der inne,men den fanns berre i gullfarga. Då måtte det Hammerite og pensel til – og resultatet vart at speigelen passa perfekt inn! I kveld skal det monteras dusjkabinett.

Ha ein fin kveld alle saman:0)

Eit aldri så lite TILLEGG:dusjkabinettet manglar botn = ingen montering:0( !!!!!

Her snakkar me VERKELEG gjenbruk!

2011-09-08T14:52:00.000+02:00

(-no er eg visst riktig i gang igjen..:0)

Hugsar de dei første bosspanna me fekk kommunalt? Tette metalldunkar. Eit par slike har eg tatt godt vare på med tanke på eit spesielt bruksområde. Det første kjem her:

Skikkeleg skrubbing og steaming måtte til!

Etterpå var det fram med måling og pensel – og heklekrok… Måla kvit tekst “Skittentøy” og av ein eldgammal sund linduk klipte eg av ein ende og fellte inn ei hekla borde.

Neste skritt var å sy ein “sekk” inni spannet – den vart til av eit gammalt kvitt lerretslaken.

Og simsalabim !! Ein unik skittentøydunk til det nye badet… av berre gammalt!

Neste prosjekt er denne snertne vesle greia her. Ei miniklerulle eg fann på Låven på Skarnes i sommar. Men vask og puss må nok til her også!

********************************************

Så kan eg vel sei at eg er på ein måte blitt til “gjenbruk” eg også…. I sommar fekk me (nokså uventa) tenåring i hus att – og for ein berikelse!! Men litt rart å troppa opp på foreldremøte på ungdomskulen att , det er faktisk 22 år sidan sist eg var innom dørene der…

Kjekt er det i alle fall:0)

PS: DETTE bildet har tenåringen David valgt ut sjølv!! Eg hadde faktisk INGEN planar om å delta på bildet sjølv… men – men – kva gjer ein ikkje for sine kjære…?

Tida går…. og Nikoline består…

2011-09-06T18:09:00.000+02:00

Det er vel på sin plass å erstatta midtsommarkransen med noko litt meir haustleg no etter kvart…. sjølv om eg IKKJE er tilbake som fast bloggar endå.

Men eg er her altså framleis – stullar og steller og gler meg over hausten som er komen – mi absolutte favorittid!!

Siste rom i 1.etasje på “gatehuset” (mine gode trufaste følgarar veit kva det dreiar seg om her) er snaaaart ferdig!

Kombinert bad og vaskerom – og då må det jo vera på stell sann…!

Fargane går i ENGFIOL, EGGKVIT og GRÅ og eg er riktig fornøyd så langt.

Ein liten kuriositet frå den gong huset var nytt (1947) og hadde fått vassklosett – det var det ikkje så mange som hadde på den tid! Dermed var bruksanvisning i glas og ramme “særs nyttig”

Det skal opp att på veggen – om ikkje anna så for å forsikra meg om at det ikkje på noko måte vert nytta avispapir til å tørka seg med!

Ha ein eventyrleg haust kjære venner, og tusen,tusen takk for alle dei fine orda de har lagt att hjå meg ( – likar jo litt å høyra at de savnar meg her i blogglandia.. hi.hi..)

Ha det godt – eg kjem nok att ein eller annan gong :0)

“Dett var dett” -

2011-03-30T13:45:00.001+02:00

- i alle fall for ei stund.

Nikoline På Landet takkar for seg.

Tusen hjarteleg takk for alt de har gjeve meg av godord,latter,inspirasjon og idear – FABELAKTIG !!

Bloggen blir ståande, for kanskje ein vakker dag “får eg ånden over meg” og startar opp att som bloggar.

Blogging har vore ein kjær hobby gjennom 3 1/2 år og mange utruleg kjekke medbloggarar har gjeve meg MYKJE. Eg får ikkje gje så mykje tilbake for tida og føler derfor det er rett tid å gje seg på no.

Eg seier ikkje adjø, men på gjensyn. Ha ein fantastisk vår i vente og ta godt vare på dagane du har.

DENNE DAGEN – EIT LIV !

Hei på deg :0)

2011-03-29T14:22:00.000+02:00

Skin sola på deg i dag? Det gjer den på meg!

Og sola skin også inn på nytt og fint soverom… trall-la-la…

Eit billedras i full fart, har egentleg ikkje tid til noko innlegg her og no,men har så lyst å visa deg korleis soverommet vart.

Er storfornøyd!

Kjem tilbake med eit litt “skikkelegare” innlegg om ikkje så lenge.

Ha det bra og ha ein strålande dag:0)

Det går seg tè på soverommet:0)

2011-03-17T17:01:00.000+01:00

– og slik vart fargevalget:

Ein grå-beige farge på panelen, tapet med blomar i samme valør på veggen der senga skal stå og golvet er grå eik.

(eg skunda meg å ta vekk igjen fugleburet før brannmannen kom heim… måtte nett “sjekka fargen” inntil veggen.. *kremt*)

Her er det begynt å bli tak.

Her som alt rotet er plassert skal det bli walk-in-garderobe.

Dette er møblemanget som skal inn på soverommet (Møbelringen)

- og ny sengegavl er bestilt – fann ingen bilder utenom heil seng,men me har rammemadrass og skal altså ha berre hovudgavl mot veggen.

Og utanfor terassedøra – ein stooor og god platting. Neste veke kjem det rekkverk på forhåpentlegvis.

Men no er det berre å bretta opp skjorteermane og gyva laus att… puuhh…

Opp som ein hjort – ned som ein lort…

2011-03-14T12:18:00.000+01:00

Det var visst eit deprimerande innlegg eg hadde sist, men i dag er eg “høgt oppe” att for i dag skin sola!!

Vakna tidleg og såg blå himmel etter gamalt, og kjende energien pitra i kroppen før eg kom meg på beina… Tenk at det kan vera såååå stor forskjell på dagane berre sola tittar fram ! Dagen skulle starta med grunning av veggplater var meininga, men det var for kaldt i rommet så tidleg, men energien måtte nyttast må veta ;0)

Det vart verkstaden og fram med måling,lim og serviettar før klokka halv åtte på morgonen…

Men no må eg i gang med veggplatene så dei er ferdiggrunna til tapeten kjem i hus.

Takk for alle gode og oppmuntrande kommentarar frå hjartevarme bloggarar, vær og kulde spelar så visst ingen rolle så lenge ein befinn seg i blogglandia!

Ha ein fin-fin mandag og ei flott veke – håpar sola skin der du er :0)

Giddar me meir av dette no??

2011-03-11T20:05:00.000+01:00

Ikkje eg!

Det har snøa uten stopp i heile dag – no er det jadden meg nok!

Inne spirar jordbærfrøa i glaskarmen, korleis skal det gå med dei?

Eg lagar vår innendørs no, kalendaren viser tross alt langt ut i mars…

Og i kveld vart siste del av “serien” til hagemøblane ferdig, eg har kanta og fora løparen. Ser ut for at eg kan pakka ned både putene og løparen . og hagemøblane står trygt lagra innendørs. Og der skal dei visst stå leeenge endå:0((

Eg brukar IKKJE å vera værsjuk,men no røyner det på som de forstår….

Men hopp- og- tjo- hei- I morgon skal me begynna med plating av soverom, golv og tapet er bestilt og eg er begynt å slipa på gamle dører – veldig,veldig kjekt – tross snøværet…

Me får gjera det beste ut av det, men som sagt ; det er NOK med vinter for i år no etter kvart!!

Ha ei god helg i alle fall :0)

Tomt…

2011-03-08T19:46:00.000+01:00

…. både i heimen og på bloggefronten.

Herlege dagar med barnebarna som me ser så alt for sjelden, er over. No ser me dei ikkje igjen før i mai, då går turen nordover i konfirmasjon til eldstemann. Det vart både fjelltur,bowling, Besten sin “verdens beste” pizza og andre ting på ønskelista dei hadde, men aller gjevaste dagen var utan tvil eit besøk på brannstasjonen!!

Eldstemann fyller ut i uniforma til Besten…

Høgt,høgt i det blå!

Ut på tur, aldri sur – med sirener og blålys

Så no sit Besten og Besto att med litt “falma” minner… Ein attgløymd rosa bamse, ein bukett tulipanar som også ser triste ut akkurat som Besto, og restar i botnen på Besten sin snopeboks….

Huff, det er leeenge til mai!

Håpar eg kjem litt sterkare att på bloggefronten , det har vore labert no… Tomt i hovudet også – ikkje berre i huset :0(

Totalt hekta – igjen!!

2011-02-28T17:25:00.000+01:00

Båndbroderi….

Er det nokon som er innom her som har erfaring med denne teknikken??? Det boblar over i toppetasjen av idear kva dette kan kombinerast med saman med quilting – men eg har ikkje prøvd meg endå.

Her skal det rotast i korga med gamle bånd!

Fortsettelse følger…….

Helsing ei særdeles oppøsen Nikoline :0)

Ein lang og innholdsrik søndag,

2011-02-27T18:20:00.000+01:00

i alle fall sportsleg sett…

Brannmannen som er gammal hoppar – sågar kretsmester – har det ikkje vore så god å få kontakt med i ettermiddag under hopprennet i VM. Men eg kosar meg egentleg litt med å sjå på HAN like mykje som eg ser på skjermen, for eg ser kor han tek sats og rykkjer automatisk til med det samme dei hoppar utfor… og er det eit superhopp frå ein av nordmennene er det rett før han tek sats og fyk ut frå godstolen saman med han på hoppkanten… I dag var han ikkje så nådig då Romøren skulle vera med, og tippa på “kulen og ein halv” – og vart desto meir i ekstase då stakkars Romøren gjorde eit kjempehopp! Alt i alt ; det er berre å ta av seg hatten og gratulera både langrenn- og hoppgutane i dag!!

Apropos brannmannen – han hadde IKKJE gløymt bryllupsdagen sist veke ;0) (og det var det visst ingen i blogglandia som trudde heller…) Han hadde tråla alle blomsterforretningar etter roser,men var misfornøyd med utvalget og hadde havna opp med ein sammenplantning på siste butikk.

Og det var ikkje noko dårleg alternativ – både gåsungar og ein flott froskeprins hadde han med i korga. Eg veit det er mange der ute som påstår dei har verdens beste mann , men det er EG som har han!!!

Eg har ikkje fått tid å vera innom til så mange dei siste dagane, men ser det er fleire som lurar på korleis eg hadde laga kanten på mugrug`sen.

Eg hekla rett og slett heile bakstykket i fastmaskar og avslutta med ein “blondekant”. Deretter sydde eg på stoffet på framsida etter eg hadde vrangsydd det med fòr. Veldig enkelt og greit.

Så til slutt – eit bilde av huset etter påbygg,for endeleg kom eg meg så langt ned i hagen (i snømassane) at eg fekk med heile huset i kameraet. Men innvendig er me ikkje lenger enn dette:

Soverommet med walk-in-garderobe

- og her blir det bad. De skal få sjå litt etter litt som framgangen går…

Tusen hjarteleg takk for så mange gode gratulasjonar i forrige innlegg, og brannmannen sender ei helsing til alle som hadde god tru på han! (han lurde på om eg VERKELEG TRUDDE at han hadde gløymt dagen – og eg ber om unnskyldning for det)

Ha ein fin-fin søndagskveld, god veke i vente og sist men ikkje minst…. neste veke er me i vårmånaden mars!!!

Ein av våre merkedagar.

2011-02-23T12:57:00.001+01:00

I dag kan me feira 37 års ekteskap min kjære og eg…

Kaka er komme i steikeovnen og i kjøleskapet ligg det herleg røykt blåkveita som skal vera til middag.

MEN – eg har ikkje høyrt noko frå ektemannen i dag… han brukar ALLTID å ringa eller komma innom i løpet av arbeidsdagen på bryllupsdagen vår, men altså ikkje idag…!? Har han gløymt dagen vår skal tru? I så fall er det FØRSTE gongen på desse 37 åra…

I alle fall – GRATULERAR med dagen kjærasten min :0)

Den runde puta er ferdig, og s-n-a-r-t er eg ferdig med 4 *mugrugs*- krusunderlag.

Ha ein strålande februardag!

Siste nytt…

2011-02-16T17:02:00.000+01:00

Då brannmannen gjekk på vakt fredag ettermiddag og Nikoline vart aleina i heimen og kunne stulla og stella med kva ho ville, bestemte ho seg for å fronta symaskin-fobien sin…

Og veit du kva – ?? - det gjekk som ein leik – !!

Frå ei gardin,svart botn med roser, kjøpt på brukten for kr.5,- (fekk den hjå Trollkåno) klypte eg ut rosemotiv som eg så sydde på rute/prikke-stoff i beige fargetonar.

Dette er tenkt til hagemøblane me skal ha på takterassen (dei er i brun rotting så dette vil passa bra i fargane trur eg)

Ei rund pute er i emning, samt ein liten duk til bordet. På duken er det sydd rosemotiv i kortendane og no held eg på med broderi *La vie en Rose*på langsidene.

Når eg no var komme over vegringa for å sy på maskin tok eg fram lappane til sengeteppet også. Eller – sengeløpar heiter det visst på fint – det skal brukast på senga saman med hekla sengeteppe. – når eg får nytt soverom -

Huff,dette var eit grådig dårleg bilde ser eg no…

Brannmannen går av vakt på fredag,men går rett på ekstra øvelse i fjellet så når han kjem heim lørdagkveld går eg ut frå at teppet og duken er ferdigsydd. (Synes faktisk det er svært behageleg å ha berre seg sjølv å ta hensyn til innimellom – bruka dagen som det passar seg, eta når ein er svolten og plystra langt etter middagen om ein vil det…)

Ja,så dette var siste nytt på Junibakken denne gongen…. No må eg setta meg med symaskina att.. :0)

Nokon som ventar på VÅREN??

2011-02-10T11:01:00.001+01:00

På Voss er det i alle fall laaangt frå noko vårstemning utfor husveggene i dag!

Slik er utsikten mot hagen nett no… ser ikkje ut… Alt er eit einaste snøråk og eg ser knapt nabohusa. Ser du snøen oppover stoveglaset?

Og slik ser det ut inne på gatealtanen. Ikkje mykje innbydande og setta seg ned med kaffikoppen ved bordet her.. Men eg kosar meg storleg på det nye arbeidsrommet mitt sjølv om det er kjempetregt å komma i gang med noko fornuftig arbeid….

Kan jo på ein måte seia eg er begynt – for eg har tegna opp eit mønster og to som skal bli til veggfjøl med oppskrift til ostekake + eit skilt med ordtak… sjølv om det ikkje er kome lenger enn på eit ark matpapir (*han rose seg sjølv han som ikkje har bygda å lita på*)

Om ikkje så lenge skal eg på “torsdagstreff” med Trollkåno og ei anna venninne (IKKJE-bloggar), me møtes på kafè og skravlar eit par timar og har det VELDIG triveleg!! Men skal eg komma meg ut må eg aller først fram med snømåka for å laga meg veg.

Her kjem ein seg omtrent ikkje fram til trappa utanfor inngangsdøra eingong!

Ha det fint då :0)

Verkstaden….

2011-02-05T19:17:00.000+01:00

I kveld står døra “på vid vegg” om du har lyst å komma innanfor, i motsetning til sist då du kun fekk eit glimt i forbifarten av eit dunkelt rom med døra på gløtt…

Arbeidsplassen – før/etter :

Avslapping - om ein føler trang til det… før/etter

Her er det framleis eit konglemerat av skøyteledningar – det må eg læra meg å leva med fram til elektrikaren kjem att, men det går jo an å stryka klær slik det er no også. (Og stryketøykorgene er IKKJE tomme ser du…)

No står det att ei brannmurlist og røyr til vedovnen, såååå er rommet klart for bruk!!

Det er ikkje rart at det tek lang tid å få det ferdig slik som eg dillar på… her har eg malt små skilt til alle korgene – med nummer på – og permane har fått mjukt tapettrekk med metallhjørner (tidlegare var det nokså fargerikt i blått,raudt,kvitt,gult,svart,grønt…og burgunder…

Bitte litt nytt har eg bevilga meg :

Skikkeleg SJEFSTOL! Og eg har strikka puff med dundynefyll så det blir godt å spenna kalde fotar på.

Elles har eg brukt ALT gammalt som kunne brukast av det som var på rommet frå før. Gamle skåphåndtak/skuffehåndtak/dørhåndtak er blitt skrudd av,pussa og vaska og skrudd på att.

Nede på garasjeloftet har min kjære snekkarverkstaden sin, og no lyser det i vindauga og Rod Stewart-musikk dundrar i veggene så då lovar det godt for at siste lista til MIN verkstad snart er på plass *blunk*

De skal nok bli “plaga” med fleire reportasjar frå verkstaden framover – eg er såååå fornøyd med det min kjære har fått til (de ser jo sjølve korleis det såg ut då me tok fatt på det – og dei bilda er teke ETTER at me hadde rydda oss gangveg inn!!

Riktig god lørdagskveld alle som er innom :0)

Er ikkje ferdig endå -

2011-01-28T10:33:00.001+01:00

- med verkstaden…

Småplukk tek utruleg med tid,så rommet mitt må nok få helga på seg også før det er klart for “visning”.

Føler også det er behov for ei aldri så lita oppklaring ; verkstaden min er IKKJE samme rom som verkstaden til svigerfar… ser det er fleire som trur eg held på i kjellaren – men nei, verkstaden min ligg i 2.et der det er lyst og fint! Me begynte på rommet i fjor, men så vart det ståande på vent fram til no…

Men innimellom maling av glasforingar og hyller,tenkjer eg så smått på påske og kosar meg med småting når eg kjenner det klør i fingrane etter noko meir kreativt enn hyllemaling.

Er ikkje denne fin då?? Har du lyst å laga slike søte harepusar til ei blomsterpotte så har eg skrive og tegna litt til deg.

Enkle og raske å laga:0)

Og denne vesle “krabaten” her har eg funne mønster til på sidene til DROPS. Hårtufsane er etter “mitt hove”,dei er ikkje heilt slik på mønsteret… men syntes det gjorde seg med ein liten hårdusk.

Ein heil gjeng er det blitt…

Riktig god påsk…ehh….HELG :0)

Åå,jeg strever så med mine små,du….

2011-01-24T18:37:00.000+01:00

- 6mm..10mm..18mm..-

Ja, for det er trekuler og anna småtteri eg strevar med altså… Sorterar og sorterar…

For no kan eg snart – snart – invitera deg med inn på verkstaden!

Slik som eg har lengta etter å få ferdig dette rommet!!! Gler meg til å visa deg det!

Pudder,sink,grått og kvitt er gjennomgangstemaet her.

Og litt roser må sjølvsagt til – ein gammal foliert kommode etter pappa er blitt kvit og fin med rosedecopage på knottane. Det får duga inntil vidare i alle fall…

- og med ein liten engel på veggen ynskjer eg alle ein flott kveld:0)

NEI, fyttikatta…!

2011-01-20T22:22:00.000+01:00

Her må det leggast inn nokre finare bilder å sjå på enn dei forferdelege kjellarbilda! Orkar ikkje sjå på det kvar gong eg klikkar meg inn på bloggen…

MEN, for eit utruleg engasjemang på kjellarinnlegget,då! Tusen hjarteleg takk!! Her kom det masse gode innspel og idear, alt frå (det mest fornuftige) å begynna i første krå og jobba seg innover, bera alt ut på presenningar for sortering og til å låsa døra og kasta nøkkelen… ha.ha.. ja,det hadde vore det mest fristande!! Det er berre det at me har så veldig bruk for rommet – så det MÅÅÅ tømmast :0(

Så over til noko kjekkare -

MUGRUG er ein ny farsott hjå quiltarane, og eg let meg frista… Eit veldig dårleg ord forøvrig, mugrug sjølv på nynorsk…(!!) Kva skal eg kalla det - *KRUSUNDERLAG*- kanskje? Åkke som – her er mitt bidrag, og då er det VERKELEG snakk om å gjera ting ein ikkje kan! Men skal ha dei sjølv… underlaget til kaffikruset mitt…

Korleis det går med sengeteppet mitt sa du? Der er fanden laus for no må eg til med symaskina!!! Slik er det med DEN saken…

Og no må eg til med symaskina på krusunderlaga også for å sy kantinga rundt…

HJELP!!!

Dette er ikkje eit innlegg for sarte interiørsjeler!!

2011-01-19T12:43:00.000+01:00

Herved er de advart – for eg har tenkt meg ein tur i kjellaren…

Korleis angrip ein eit slikt rom???

Det er ikkje så mykje å seia – det talar for seg sjølv dette….

På ein måte fasinerar det meg når eg ser meg rundt i rommet for det er sååå til DEI grader svigerfar dette her!! 3 slike verkstadar hadde han her i kjellaren og absolutt FULL kontroll over alt ned til den minste mutter til han var over 90 år!!

Det er ikkje mykje ledig plass,ikkje ein gong i taket…

Det verste er at her må eg verkeleg vera med å ta eit tak,for innimellom filer,skruer,sagblad,høvlar og motordeler befinn det seg ei drøss med gamle små “skattar” i mine auger,men som er bos og gamalt rukkel i andre sine auger.

Denne eine verkstaden etter svigerfar skal gjerast om til eit brukande rom med tid og stunder – men som sagt… korleis skal ein gripa det an??

Eg skal i alle fall IKKJE

Ha ein fin dag folkens – hvis de ikkje har besvimt av innlegget i dag,då… :0)

Meir hus – og meir lappar:0)

2011-01-14T13:46:00.001+01:00

Det går på fram med husbygginga – forskjell frå dag til dag no.

Skal tru om me kan nyta varme vårdagar oppå her? Håpet er på plass…

Det går også på fram med sengeteppet – om enn litt trått då, har ikkje vorte mykje tid til brodering denne veka. Har som mål og bruka BERRE gamle stoff,så her er det alt frå gamle gardinkapper og sommartoppar til linbukser og damaskduk… Håpet er på plass her også – om at det skal bli DET flotte teppet…. (håpet forsvinn den dagen eg må setta meg til symaskina trur eg – som sagt før så er ikkje eg og frk.Husquarna gode venniner!)

Og så er det på`an igjen med beklagelsar og dårleg samvet… Det er så lita tid ved datamaskina for tida at når eg er innom må eg “pløya” igjennom nye innlegg frå mine kreative bloggvenner og får ikkje den tida eg treng til å legga att kommentarar. Slik er det berre – og eg er slutta å gje lovnadar om betring i betre tider… dei kjem visst aldri!

Då pappa levde,klaga han seg ofte over at eg alltid hadde det så travelt og skulle gjera mest muleg på minst muleg tid. Når skal du få tid til å bruka all denne tida du sparar? var eitt av spørsmåla han ofte stillte, det andre var Er du redd for å komma for seint til livets ende? Kanskje noko å tenka på,dette??

I alle fall , ha ei strålande flott vinterhelg mine venner :0)

Nyårsplanane er STORE…

2011-01-07T12:59:00.000+01:00

Det snøar og det snøar – alt er reint,kvitt,mjukt og vakkert!

Siste rest av jula har fått fyken idag, så det er reint,lyst og “vakkert” inne også.

Alle vindu er vaska og golva luktar reint av grønsåpa- herleg til helga kjem!

Fuglane set pris på siste rest av julekakene… og eg er begynt så smått og tenkja på frø og vårblomar…

Det hjelpte godt på vårkjensla då det kom pakke frå I Gros Hage, men først skal me ha eit par gode vintermånadar! Då kan me kosa oss framfor vedovnen med koseleg håndarbeid – og eg skal til med eit STORPROSJEKT!

- Sengeteppe til det nye soverommet – med litt stitcherylappar innimellom… eg er i gang! (Må forresten le litt med tanke på innlegget under der eg fortalde korleis soverommet skulle bli… Sustikk sneik seg inn som eit framandord.. var ikkje klar over det før eg fekk ein tlf. der vedkomande til og med hadde sett etter i ordboka – no er det retta og det skulle sjølvsagt vera Rustikk…)

I romjula broderte eg to ullhjerter som skal vera i hallen i vinter,samt eit midtstykke til pute (i samme rom) Kjem på at eg ikkje har vist den koselege snippduken eg broderte ferdig til jul -

Er kjempehekta på dompapp…. no er den pakka vekk og eg veit eg kjem til å vera glad for å pakka den opp att om sånn ca. 10 mnd.tid..

Men no er det altså eit storprosjekt på gang - heilt hekta på det også nett no…

Ha ein riktig flott vinterdag:0)

Fortid,notid og framtid.

2011-01-01T16:57:00.001+01:00

2010 har sagt adjø og takk for seg – året er blitt til fortid - noko å sjå tilbake på.

Korleis vart året brukt for din del? Vart det slik du håpa på og drøymde om? For meg vart 2010 ein milepæl store omveltningar og steg over nye dørstokkar – bokstaveleg tala. Heldigvis vart ikkje dørstokken så høg at eg fekk problem med å trø over den… Eg har funne meg til rette i ny heim og kjenner eg vil trivas her. Eg bestemte meg ved starten av 2010 at eg skulle kun sjå framover og ikkje dvela ved fortida.

No er batteria fullada og eg gler meg verkeleg til å ta fatt på kvardagen med alt den innebær! Den blanke og fine julepynten er så smått begynt å følas som støvete rot i sidesynet og eg kikkar stadig oftare ut på “hagen” som ligg der som ei spennande kjempeutfordring å ta fatt på (i alle fall kan eg starta planlegging av det som skal bli hage…)

For at våren er her før me får sukk for oss fekk eg bevis for då eg såg dette…. kvitspraya greiner i juledekorasjonen står no med struttande grønne museøyrer! Herleg!

Først skal nytt soverom og bad planleggast litt meir konkret – det er på tide å bestemma seg for kva som skal på veggar og golv.Det einaste eg er sikker på,er at soverommet skal bera preg av rustikk romantikk… Andre etasje blir ein fantastisk (trur eg) terrasse når snekkarane har trekt ut taket og set inn heile fronten i vindu/skyvedører!

Så gler eg meg til å få gjera ferdig trappegangen sjølv om det er ein god del sliping av trappa og mykje målearbeid.

Og sist, men ikkje minst – eg gler meg til å gjera dette om til eit supert grovkjøkken!

For tru det eller ei – dette rommet skal bli topp!!

Då takkar eg for eit flott bloggeår sjølv om det har vore så som så med blogginga innimellom “slaga”. Må 2011 bli eit fin-fint år der dei fleste av våre draumar kan bli realitetar!

Har du fine romjulsdagar?

2010-12-29T12:02:00.000+01:00

– det har i alle fall eg… men det er for kaldt dette her! Det går hardt utover vedlageret og sofaslitasjen er stor!

No er datamaskina mi tilbake frå verkstad, lydlaus og flott! ( den dura og bråka noko forferdeleg,så den har vore til rep. i Kongsvinger – reklamasjonsrep.) Eg fekk jo ikkje lagt ut julebilder slik eg ønska,så i dag skal de få eit billedras frå julepynta heim… Orkar de det,eller….?

Forresten ; dette er eit aldri så lite innlegg til heile REGNSKAPSAVDELINGEN PÅ NOTABENES HOVEDKONTOR som fylgjer bloggen min (nokon har “sladra”..ho.ho.ho..), sååå kjekt!! Og nokre kommentarar har eg også fått frå trivelege damer på kontoret, set STOR pris på det :0)

Vel, her kjem litt av jula på Junibakken -

Heng du framleis med..? Då vil eg i så fall ynskja deg fortsatt fine romjulsdagar (eller melsdagar som me seier her i bygda) og takka for alle som besøkjer meg og tek seg tid til å legga att nokre ord – eg har vore så ALTFOR dårleg til det sjølv i desse flytte/byggetider!

Ha ein god dag:0)

Ein fin inngang til siste juleveka...

2010-12-20T21:52:00.007+01:00

I gårkveld sang me jula inn i den staselege Vangskyrkja, i regi av VOK (Voss og omland kantori) I bitande kulde , snø som knirka under skosålane og raude roser i kinna var det godt å komma inn i ei varm og pynta kyrkje.

Skuldrane senka seg og julegleda og forventningane jula ber med seg seig inn i kroppen saman med all den vakre julesangen.

Dette var ei god opplading til siste innspurt av juleforberedelsane.

I kveld er eg innom på lånt maskin,det begrensar seg derfor med både tekst og bilder.... Maskina mi er i Kongsvinger på "juleferie" ser det ut for... Måtte levera den inn til rep.før garantien gjekk ut (den dura så infernalsk!), men det tek visst si tid !

Eg vil ynskja alle,både familie,bloggvenner og andre venner ei

RIKTIG GOD JUL :0) Nyttårshelsing ventar eg litt med i håp om at min eigen data er på veg heim att.

GOD JUL

Den store rullekakebakedagen.

2010-12-06T14:18:00.001+01:00

Av alle kakeslag er rullekaker det viktigaste her i huset når ungane kjem heim til jul. Så i dag har Nikoline hivd seg rundt med eggedosisen,du….

Ovnen er ny og ukjend,men det gjekk bra – rullekaker på “løpande bånd” med godt,nyrørt bringebærsyltetøy, mmmm….

Eit av privilegia til kokken – smaksprøve:0)

Og når ein først er i gang med rørebollar og mjøl oppover armane kan ein like godt blanda saman til ei røre ekstra. Synes sjølv eg har vore ganske så lur i dag; med nøtteallergi har eg laga nøtteruter – då seier det seg sjølv kor mykje eg kan eta av desse…. Eit slankande kakeslag for min del! Det største norgesglaset er oppfylt og ventar på julegjestene. Det fine sinkhjarta har Alva laga til meg.

Ruth ,utflytta trønder i Scottland, har laga nydelege pulsvarmarar til meg,dei kom i posten i dag. Som om dette ikkje var nok hadde ho lagt med endå eit par,litt enklare (som eg gløymde å ta bilde av) så tusen,tusen takk Ruth! Du er ein racer med strikkepinnane!

Vel, veka har starta bra denne desembermandagen, pakke i posten, lovnad om at snekkarane kjem for å bygga soverom og bad til meg og vellukka julebakst. Kva meir kan ein vel forlanga då? Ynskjer alle ei flott veke, og håpar de er i rute med juleforberedelsane de også:0) På spiskammerset begynnar det å sjå bra ut ang. baksten ser du. God mandag og takk for alle besøk og koselege kommentarar!

Flashback…

2010-12-04T15:18:00.001+01:00

Det er tid for julegavehandel – og butikkane bugnar av fristande ting!

Alle gåvene som skal sendast ligg ferdig innpakka,pynta og klare for posten.

Men så var det dette med fristelsar då…. det vart ei (eller eit par) lita førjulsgåve til meg sjølv også. Eit utruleg herleg pelsteppe og vintersleg pute til hallen.

Då eg heldt på og “dandera” herlegheita kom eg plutseleg på ein episode då eg var 6 år. Veka før jul bar det avgårde på Vangen for den store julehandelen, eg hadde fått eigne pengar og portemonè for første gong og mamma skulle halda seg i bakgrunnen og eg skulle ordna alt “på eiga hand”. Det gjekk jo veldig greit det,eg kjøpte det eg lika sjølv til alle, blandt anna vart det ein stor marsipangris til pappaen min som ikkje smaka snop av noko slag (bortsett frå den jula han skar eit stykke av grisen,smatta og skrytte av at det var den BESTE marsipanen han hadde smaka noko gong!!) Mamma fekk glansbilder med glitter på (og var SÅÅ fornøyd,brukte dei faktisk i sangboka si også!)

Men så til poenget:

Til bror min,som var 5 år eldre enn meg, kjøpte eg julebukkmaske. Dette var relativt nye ting som var kome i gummi for første gong,og eg kjøpte eit gutefjes. I butikken hadde dei også jentemasker,sååå fiiine!! Før eg tenkte meg noko meir om,sto eg med ei fin jentemaske innpakka også. Vèl heima vart det sett merkelapp på med TIL MEG SJØLV FRÅ MEG SJØLV og på julaftan låg den under treet.

Mamma hadde sjølvsagt fått med seg heile hendelsen,men sa ingenting om det før eg var vaksen. Det ho aldri gløymde var då eg pakka det opp på julaftan… Alldeles forundra og med tindrande auger heldt eg opp maska og ropte “SJÅÅ kva eg har fått då!!”

Kva anna eg fekk den jula anar eg ikkje,men julebukkmaska til meg sjølv frå meg sjølv hugsar eg godt at eg “fekk”…

Og i dag har eg altså “fått” eit fin-fint pledd og ei pute med vintermotiv.

SJÅÅ KVA EG HAR FÅTT DÅ!!!

Jolaførebuing…

2010-12-02T16:07:00.000+01:00

I alle år har eg tatt på meg målearbeid fram til midt i november, etter det har det vore heilt stopp på bestillingar. Då vil eg ha tida for meg sjølv for å kosa meg med alt som høyrer jula til. I år derimot – er ALT snudd på hovudet… eg har sagt nei til alle henvendelsar om måling heile året – fram til desember…

I dag har eg svinga penselen att etter gammalt,for eg har lova (i eit overmotig augeblikk) å måla 4 bunadskrin før jul.

STEP BY STEP…

Då var det første ferdig (nesten),har att og måla navn/dato på skrinet

- og då er det berre 3 att…………….

Ha ein flott fredag,

Har eg sagt A – får eg også sei B…

2010-11-30T17:27:00.000+01:00

Forstår ikkje heilt kva som gjekk av meg då eg inviterte deg med vidare inn i stova, eg likar egentleg ikkje å blogga om romma…. berre om dilldallet INNE I romma.

Vel,vel – kom inn då…

Med døra på gløtt inn frå hallen.

Samme døra på gløtt i fjorvinter.

Vidare innover i stova, slik det var -

Og slik er det no.Me ventar på nye godstolar bortved veggen,får dei til jul:0)

Det var LITT å ta fatt på for å sei det forsiktig…

Dette får greia seg for denne gongen, for eg må fortelja om ein forelskelse også…eg er hovestups forelska og klarar ikkje begrensa meg på noko vis! Dei som kjenner meg og dei som har fulgt bloggen min desse åra eg har blogga,veit at begrensning ikkje er mi sterke side… og no har det gått ut over ei hylle med sopp hjå Nille…

Eg har dei over alt snart… På kjøkkendisken,

på kjøkkenbordet… og ute… (der var det for mørkt til å ta bilde no i kveld)

Dei kosta ikkje mange kronene heller,og er utruleg fine i form og farge!!

I morgon skriv me desember,og eg ynskjer alle ein flott julemånad med alle forberedelsar som står for døra no – eg stortrives for tida, håpar du også har det fint !!

Veldig begrensa….

2010-11-26T18:33:00.001+01:00

I ein nedlagt militærleir står all advent/julepynten min lagra. På tirsdagskvelden fekk eg hjarta i halsen då alarmen til min kjære kima og eg kunne høyra brannsjefen sei at det var eit lagerbygg i leiren som sto i full fyr..!! Eg jamra fram eit “ååå-neeei…” før min kjære fauk ut døra, og så sat eg her som på nåler og venta på dårleg nytt… Heldigvis hadde Vestlandsrevyen bilder frå brannen seinare på kvelden og eg kunne konstantera at det var i alle fall ikkje “MITT” lager som brann… MEN; då me skulle på lageret og henta adventspynten i går, var portane inn til leiren stengde! Og til porten har me ikkje nøklar…. det var berre å snu med uforretta sak.

Frå idag og fram til neste helg har min kjære vakt, med andre ord – mann og bil må halda seg i sentrum = INGEN ADVENTSPYNT før neste lørdag :0(

Men eg veit på råd sjølvsagt.. Eg kan jo BAKA litt adventspynt fann eg ut! Fram med rugbrødmjølet og kjevle -

I tillegg har eg litt som eg kjøpte på Snoka i sommar, NYDELEGE KULER som er hengt opp i glaset i hallen, pluss 2 englar eg kjøpte på Kjerringtorget i august og det vart lagt inn i huset her så det befinn seg ikkje på lageret!

Nye tekstilar som dette

kjøpte eg også i haust, gardinkappe med dompapp og stripete sidegardiner samt eit putetrekk og lang gardin til kjøkkeninngangen.

Og på Europris hadde dei lilla kuler som passa ypperleg i den syrinfarga hallen! Så slik vart det i år – nokså begrensa – men dog adventspynta *bittelitt*

Intet VELKOMMEN-INN-I-STOVA-innlegg i dag heller…. Men kanskje neste gong….?

Eg har det i alle fall varmt og godt i stova ser du:0)

Ha ei fin-fin adventshelg!

DET VAR EIN GONG….

2010-11-24T14:07:00.000+01:00

– på slutten av 50-talet – ei lita lyshåra tulle fekk sin aller første tallerken til å eta grauten sin på. Tallerken var den finaste ho hadde sett, to små pusekattar titta fram etter kvart som grauten forsvann.

Jenta vaks til og syntes ikkje noko særleg om verken graut eller pusekattbilder lenger, men tallerken var like heil og fin så den vart ståande i kjøkkenskåpet. Då jenta vart tenåring spurde mora om ho ville ha tallerken som ho ein gong hadde vore så glad i, men det var inga interresse å spora frå tenåringsjenta si side.

Tiår etter tiår levde tallerken sitt liv i ei mørk bu saman med masse anna som “ var for godt til å kasta”. Ingen hugsa lenger på at det hadde eksistert ein grauttallerk med bilde av to små kattepusar i botnen.

50 år seinare,då den vesle jenta var blitt ei godt vaksen dame skulle ho flytta frå dette huset der det var ei bu med masse gamalt “som var for godt til å kasta”. Ho fekk hjelp til å pakka ned alt i kartongar for å levera det til bruktbutikken. Flyttehjelpa bar og bar, til slutt var det att berre ein kartong som dama skulle ta med sjølv. Under “transporten” gjekk det hol på avispapiret rundt ein tallerk, og kva trur du titta fram mellom papiret??? Bilde av to små kattepusar i botnen på ein tallerk….

Med varsomme hender vart tallerken pakka opp, dama sette seg rett ned med tallerken i hendene og let minna strøyma på.

Skei for skei vart grauten skrapa bort ,først frå fjeset til den grå pusen – så den kvite. Jenta bruka å prata med pusane etterkvart som dei vart frigjorde for graut, og jammen santen tok ho seg sjølv i å sitta og prata for seg sjølv 50 år etterpå også…

“ Neimen!! Er det pusane mine som er på veg til Brukt`n?? Sjølvsagt skal de ikkje dit – de skal få vera med meg i den nye heimen min og eg skal ALDRI pakka dekan ned att eller stua dekan vekk i ei mørk bu!”

Og slik vart det. Tilfeldigheitene er mange og underfundige. I dag heng pusetallerken til pynt i tallerkenhylla – når det ikkje er graut i den – og den vesle lyshåra tulla som fekk denne tallerken for lenge,lenge,lenge sidan er sjølvsagt Nikoline På Landet…

SNIPP – SNAPP – SNUTE….

PS: de skulle jo få vera med inn i stova i dag, men eg syntes det var så mykje koselegare med dette vesle “eventyret” i staden for.

God onsdag til alle, og ta godt vare på gode minner de også:0)

Eeendeleg… velkommen inn :0)

2010-11-18T21:09:00.000+01:00

Kaos – kaos – kaos !! – og uten nettilgang i nesten ein månad!

Men no går det seg til smått om senn,dagane går med til å tømma på flyttekassar og eg trur eg må verta tryllekunstnar for å få på plass alt… Snekkarane som skal bygga på soverom og bad har framleis ikkje dukka opp, så me søv på eit gjesterom og har garderoben i svarte bossekkar – KJEKT!?? NEIII…!

I gårkveld såg eg ljost på tilværet – me fekk installert dataen og eg var ikkje sein om å få i gang vidundermaskina mi ! Eit hav av nye innlegg frå kjekke bloggvener skal gåast igjennom og då trur eg eg treng nokre dagar på meg for her var det MASSE NYTT…. Eg kjem på besøk litt etter litt hjå kvar og ein av dekan:0)

Som sagt i overskrifta her – velkommen inn på Junibakken.

Me startar ytterst og slik såg det ut her i fjorhaust. Rommet var tidlegare kjøkken.

No er det blitt hall/entrè. Dei gamle kjøkkenskapa fekk me ut nokolunde heile så dei skal brukast i drivhuset eg har planar om til våren. Me har kledd veggane med panelplater og malt i lys syrin. Bortsett frå korgstolen er det ingenting nytt i rommet, bord – benk og skap har fått ei oppussing.

Her er det berre gammalt og arva, men engelen kjøpte eg på plantasjen i fjor og har laga lampe av den ved å legga ei enkel lyskule i hendene hans.

Frå hallen kjem me vidare inn i stova – men eg let ikkje opp døra dit i kveld… Vil du vera med vidare inn seinare?

Riktig god torsdagskveld til alle mine venner :0)

Og mannen ville fra nissen flytte -

2010-10-18T21:09:00.000+02:00

- men reisen ble ham til ingen nytte….

Slik har eg det for tida – trur eg skal bli interiørbloggar,eg….

Kjem sterkare tilbake når eg har fått det på stell !

(Etter jul ein gong – trur eg…)

Eit langt lerret å bleika…

2010-09-22T14:18:00.000+02:00

Då eg slo på maskina no durar det verre enn eit treskeverk,så me får sjå om eg kjem igjennom eit lite innlegg eller ikkje før det kolapsar heilt her…

I alle fall var det ikkje noko veldig viktig eg hadde på hjarta – kun eit lite tegn på at eg framleis eksisterar her i blogglandia…. og så vil eg visa deg nokre gamle komfyrdeksel som er blitt “nye”:0)

Men det var litt av ein prosess – det var lakka kopar i utgangspunktet – og lakken var flassa og gul… (og som vanleg gløymde eg heilt bort FØR-bilder)

* pussa og salmiakkvaska

* grunna med heftgrunn

* eit strøk lys grå måling

* svamping med blanding av svart/kvit måling

* svamping med mørk grå

* grafittsverte vart gnidd på kantar og håndtak

* lakking

Vart godt nøgd med resultatet,sjølv om det ,som eg skreiv i overskrifta, var eit langt lerret å bleika…No skal dei bli med i nytt hus på ny,kvit komfyr -

*************

På fredag skreiv me kontrakt med huskjøparane så no har me fått ein endeleg dato og forhalda oss til…. huset skal vera tømt og nedvaska til 1.november… Og me feira sjølvsagt standsmessig etterpå - (me hadde 2 ting å feira faktisk, samme dagen var det 37 år sidan me ringforlova oss!) – bringebærterte på papptallerken – på serviset skal storfolk kjennast!!

*************

På Junibakken er ovnane både på kjøkken og i stova komme på plass,og me har allerede testa om det er varme av dei:0)

Med god varme ynskjer eg alle ein fin-fin dag og takkar så masse for alle gode kommentarar de legg att hjå meg! Tusen takk!

(Og datamaskina durar i veg framleis….)

Høner på luftetur

2010-09-10T09:24:00.000+02:00

Hugsar de eg skulle sy meg velkommen-høner?

I dag har dei fått lufta seg litt – berre for å bli foreviga før dei skal pakkast ned i ein mørk kartong…

I grå lin og med blonde og hjerter til pynt,vart dei retteleg STASHØNER…( hyssingen skal bytast ut når eg finn noko bedre alternativ. )

Bratte i ryggen og med skarpt blikk skuar dei nedover til sin nye heimplass på Junibakken…

- Og på Junibakken går det PÅ FRAM -

Slik vart golvet, beisa 2 strøk med tyrilin “Varg” og 3 strøk med lakk over, vart det som silke. Glasa er også ferdige ser du, foringar og listverk er komme på.

No er det eit nytt prosjekt på gang – men det skal du få sjå meir av i eit seinare innlegg.

Eg takkar varmt for alle besøk, teljaren tikkar mot 40.000 besøkande, og eg set umåteleg stor pris på alle dei fine og gode kommentarane de gje meg! I seine kveldstimar (då eg helst burde sova…) tassar eg rundt på stille tøfler her i blogglandia og ser kva de andre har hatt på agendaen i løpet av dagen. Så om de ikkje høyrer noko frå meg i desse oppussingstider så skal de veta at eg er innom til kvar og ein på lenkelista mi :0)

God fredag og ei fin-fin helg til deg!

DAMA i røyken…..

2010-09-01T14:28:00.000+02:00

Så er den her ,mi favorittårstid!

Stemningsbilder frå mi favorittårstid geskjeftiga med min favorittsyssel… (DET var då voldsomt…!!)

Under denne bjørka står eit bitte lite hus som eg kjem til å sakna stort når eg flyttar! (-og røykjehus hadde nok fort fått sparken i eit gammalt,ærverdig villastrøk vil eg tru…) Enn så lenge har eg altså røykjehuset mitt, og dette er sannsynlegvis siste gongen eg fyrer opp den gamle Jøtulen….

Godt med sprake (einer) må til for å få god røyk,ellers fyrer eg med orreved og flis frå orr.

Her har dama fått det til ser du – røyken siv ut under torvtaket og gje ei lukt i den klare haustdagen som ikkje kan beskrivast – den må opplevast!

Eg tuslar litt rundt i hagen mens eg “voktar” ovnen, og ser tydelege spor av vakker haust overalt.

Gullriset blømer over gjerdet, og på denne tida likar eg også gule blomar…

Epletreet har ikkje så veldig masse frukt i år,men dei epla som er der heng raude og fine. Ein blomkarse har titta opp,det er ein “einstøing” i frå fjorårets sommar som har overlevd vinteren antakeleg – eg har i alle fall ikkje sådd noko i år…

Men no må eg passa ovnen så det ikkje sloknar for meg, og sender ein god hausttanke til alle som er innom på besøk her hjå meg!

GOD SEPTEMBER :0)

God mandag bloggedamer!

2010-08-30T11:26:00.000+02:00

I strålande haustvær skal eg ut og røyka kjøt i dag,men først skal eg gje ein lyd frå meg her på bloggen. Egentleg er eg veldig “gira” etter ein inspirerande tur til Kjerringtorget i går ( i øsande-pøsande regn heile dagen til ende!) men alt av hobbysaker er pakka ned og eg har heller ikkje tid til slike aktivitetar i desse flyttetider.

Lyst til å sjå litt av nytt småtteri til det nye kjøkkenet?…

- store flotte krukker som min kjære har kjøpt på Snoka

- blomsterpotter kjøpt på Plantasjen (men eg har malt dei grå sjølv)

- gamle former og ei sukkersaks frå Låven på Skarnes, og urtesaksa kjem frå Lobelia

- nytt lite veggskap

- og ei eggbøtte til spiskammerset.

Ellers på kjøkkenet er det 3 nye taklampar (frå Ikea) og dei gamle spisestuemøblane er ferdig oppussa. Dei har fått forskjellige urtenavn på ryggen og grått lintrekk. På bordet er det malt Vel Bekomme (på latin)

Ein kikk inn i stova…. så de ser det er framgang … sjølv om det er eit stykke igjen – Me har fått lys i taket,men her manglar det maling og listverk endå.

Under linoleumsbelegg og golvplater kom det fram eit flott grangolv, og idag er det golvslipar i gang der. Har planar om å beisa golvet etterpå.

Og på lørdag vart eg nesten rørt til tårer…

Foreldra til ho som (saman med sambuar) har kjøpt huset vårt,kom på besøk med ein flott,diger haustplante og eit takkekort - (i tillegg til eit lys med eit fint ordtak) Så er det ikkje berre ME som selgarar som er takknemlege for at huskjøpet gjekk i orden…

No skal eg ut og nyta dagen i strålande sol,og eg gler meg til å kjenna lukten for første gong i år av det som er haustlukt nr.1 for meg : Lukten av røyken som siv ut frå røykhuset når eg har fått kveikt i ….

Ha ein flott haustdag alle saman :0)

Ein MERKEDAG i livet mitt.

2010-08-24T12:58:00.000+02:00

Kjære forsømde bloggvener -

Her kjem eit lite livstegn frå ei nokså sliten og lei Nikoline, men eg får sei som reven sa då han vart flådd ; alt er ein overgang… Eg ser fram til “normale tider” att og om ein månads tid håpar eg på at flyttinga er i gang for fullt.

(NYE GLAS ER PÅ PLASS I HEILE 1.ETASJE)

Denne veka er me i alle fall tilbake i den grå kvardagen (nei,ikkje GRÅ forresten,eg har ikkje grå dagar) For første gong på 7 veker vakna eg opp heilt åleine i huset i går, og det var ikkje fritt for at eg syntes det var litt godt å gå på kjøkkenet i berre trusa for å setta over morgonkaffien.Sjølv om eg synes det er grueleg kjekt å ha besøk så er den vanlige kvardagstralten god innimellom.

(PÅ 2 VEGGAR I STOVA HAR EG VALGT DENNE TAPETEN)

4 veker ferie har gått som ein røyk,sjølv om me har hatt 12-14 t. arbeidsdag i Gatehuset heile ferien fauk vekene frå oss. Denne veka har eg to gode avbrekk frå arbeidet å sjå fram til ; klubbkveld med gode venninner og Kjerringtorget i Nesbyen med to andre gode venninner.

(NY KJØKKENINNGANG OG EIN GLØTT INN PÅ KJØKKENET FRÅ STOVA)

MEN…….. Dagen i dag er ganske spesiell for meg – Eg sel barndomsheimen min…. Går alt “i boks” og me får dei kjøparane me vil ha så er alt ordna i dag – hvis ikkje det går som me håpar på blir huset lagt ut for salg på boligmarkedet.

(FORRIGE VEKE VAR DESSE TO PÅ BESØK (PLUSS 2 TO-BEINTE EIGARAR))

Sommarfuglane flaksar i magen og eg går i ring rundt meg sjølv, og om ei lita stund kjem dei ev.kjøparane med bud. Barndomsheimen min Solbakken, der eg har trødd over dørstokken i over 50 år, er uansett for salg frå i dag – ein merkedag i livet mitt…

God tirsdag til alle som er innom :0)

Tillegg: (3 timar seinare)

Nervene er ikkje i høgspenn lenger!! Alt gjekk som me håpa,det kjekke unge paret eg har nevnt på i tidlegare innlegg tok huset og begge partar er såre fornøyde:0) No skal eg klippa stoff til høner…. har nemleg kjøpt 2 FLOTTE oljebrennarar i sement og dei skal få selskap av 2 velkommen-høner (og det må jo sjølvsagt vera ferdig til hallen er ferdig i Gatehuset…)

Fortsatt god tirsdag til deg – eg har ein kjempegod tirsdag sjølv!!

“Lille Laila”…

2010-08-11T23:04:00.000+02:00

- er det høvelege navnet for ei litt tilårskommen dame frå Alta -

Og dama – her har de henne… (er det ikkje slik at båt alltid er ei HO?)

Ein fantastisk dag i havgapet hadde me forrige lørdag! Sjølv om eg bur i Hordaland fylke var det første gong eg køyrde over Sotrabrua og første gongen eg var i Øygarden. Inntrykka var mange og store – ein dag eg seint vil gløyma!

Me fekk utpå og fiska og det mankerte ikkje på fisk!

Vetlajento hala den største opp, ein flott lyr på ca.4 kg. Gjet om ho var KRY!! Då me kom på land fekk me servert eit herremåltid med steikt lyr,løk,rømme og poteter og det smaka som snop…

Takk til Anne Karin og Arild for ein super dag!!!

Men alt godt har jo også ein ende – her er Lille Laila hekta bak på bilen og på veg frå havgapet og til det einsomme livet i innlandet. Staaahkarrs…

Ein liten rettelse…

2010-07-30T21:01:00.001+02:00

Astrid (med bloggen Fjordheim) er raus… ho gav meg ein heil dag ekstra,heilt gratis! For ho gjorde meg oppmerksom på at det er juli månad i morgon også, ikkje august slik eg skreiv i innlegget mitt i kveld. Så kva gjer det vel med litt regn og blåst,då… når eg har fått ein heil dag “på kjøpet”? Ha.ha.ha…

Og du, i morgon skal eg bli “REDARFRUE” – me skal nemleg ut til Hellesøy (Øygarden) og kjøpa båt…. Skib o hoi – i neste innlegg!

Eg hadde ein gong ein blogg…

2010-07-30T18:43:00.000+02:00

(– men det var i gamal tid,i så gamal tid…)

Nei, ratt så gale er det ikkje, bloggen er her den, om enn noko forsømt! Og her kjem det eit retteleg maratoninnlegg med både eitt og hitt…

KOM INN :0)

OG FØL DEG SOM HEIMA :0)

På Josefs rom har eg laga meg sykrok -

For slike som meg som ikkje er nokon storsyerske,er eit skatoll alldeles topp til sybord! (Den gamle Singermaskina er altså berre til pynt- Frk.Husquarna står inni skatollet…) Legg ned klaffen,dra fram symaskina,sy deg ferdig, skuv maskina tilbake og opp att med klaffen ; symaskina BORTE! Ryddig og greit! Bildet viser forandringa i denne delen av rommet. Seier meg veldig fornøyd -

Rolige og avstemde fargar som gjer meg glad kvar gong eg kjem inn her.

Detaljar frå sykroken min.

Og den vesle tassen på stolen med kjole og hardangersaum rundt halsen, det er svigerfar – bildet er over 90 år gammalt.

Eg sa vel i tidlegare innlegg at Josefs rom var ferdig, men slik var det ikkje når eg fekk tenkt meg litt om… måtte ha litt bokstavar på den gamle senga eg har pussa opp. Foreløbig er det berre skrive på med blyant,men eg skal altså mala det med tid og stunder! Dei som kjenner meg,veit at eg er veldig glad i bokstavar og tal så no er det berre om å gjera å klara begrensa seg med eit heilt hus til rådigheit…

Sommarfuglar har eg skrive ut på nettet,lagt fleire oppå ein annan og festa dei med natursnor til “kropp”,synes det vart koseleg pynt til lavendelen.

OG ELLERS… TJA…

Siste feriegjesten er ikkje reist endå,men bitte litt maling er det likevel blitt (bestilling som var lova for leeenge sidan,pluss ei gåve)

Bordkort til eit bryllup. Eg kjenner ikkje brureparet,men håpar på at dei har humoristisk sans då eg fall for fristelsen til å måla dette paret – brura svevar i den 7.himmel mens brudgommen kjem “tesande” etter med sjampagneglasa og lovar gull og grøne skogar…

Så hadde me ein 50åring i familien,då var det fram med penslane att for å måla værstasjon – det er slett ikkje lett å finna på noko i gåve til ein mann som fyller 50,men denne vart teken godt imot forsto eg.

Og så,heilt til slutt i dette evindeleg lange innlegget:

FORTSATT GOD SOMMAR – I MORGON SKRIV ME AUGUST!

Noko HEILT uvanleg -

2010-07-12T10:26:00.000+02:00

- og det skal absolutt IKKJE bli ein vane…

- å legga ut bilder av meg sjølv!!

Nikoline ynskjer alle som er innom her ei riktig god , ny veke gjennom ein støvete speigel. Nokre travle veker står for døra,alle gjestesengene er opptekne dei neste 3 vekene og blogginga blir nokså sporadisk vil eg tru.

Ha ein flott sommar vidare og god ferie til alle som har det nett no:0)

Etter den søte kløe kjem den sure svie….

2010-07-09T08:49:00.000+02:00

Herlege dagar på Hedemarken er over så no er det tilbake til striskjorta og havrelefsa – eller rettare sagt ; hammar,sag og malingspann….

Men før eg reiste,kunne eg lata att døra inn til Josefs rom og seia FERDIG!!!

Berre ein liten sniktitt på detaljar idag – kjem att med “fyldig reportasje” når eg har litt bedre tid:0)

Korleis det kan passa inn med symaskin og syskrinet her skal de også få veta litt seinare…

Då ynskjer eg alle ei strålande helg!

“VISNING”

2010-06-29T14:32:00.000+02:00

- herre jemini….!

I gårkveld hadde me besøk av eit ungt,koseleg par som har så lyst på huset her (HADDE lyst på, kanskje – etter gårkveldens “visning”…) Neidå, eg trur dei såg potensialet trass rotet. Eg hadde ingen planar om visning rundt i huset så det var milelangt frå det ein kan kalla styla rom!

Arbeidsrommet ser ut som det er bomba,alle skap er tømde og alt ligg spreidd utover for sortering, og det andre gjesterommet er oppfylt med dyner/puter og klær…

Som om ikkje dette skulle vera nok å fordøya for dei stakkars, losa pinadø min kjære dei ned i kjellaren også! Eg kjenner hetetoktene tek meg framleis berre ved tanken på det! Og tanken på at alt var spolert fòr gjennom toppetasjen på meg ved første trappetrinn mot kjellaren,for me ynskjer sterkt at desse to kjekke ungdomane skal overta heimen vår. Dei er “dei rette”…

Så i dag er det starta storopprydding i 2.et. og så får me leva i spenning og håp om interessa framleis er til stades for kjøp. Heldigvis høyrdes det ut for at dei såg forbi rotet og konsentrerte seg om romma i staden for.

No må det vel seiast at den egentlege grunnen til oppryddinga i dag er at desse to “slampane” kjem heim på sommarferie snart. Og for at dei skal finna fram til senga må mor ta i eit tak på forhånd… Dette bildet var forøvrig veldig representativt for dei to ser eg – guten likar seg best med ei bok mellom hendene og vetlajento må ha aktivitet rundt seg! (ho les mykje ho også,men det skjer på nattestid når alle andre søv…)

Men først av alt no, står 3 dagar avspasering på agendaen – og då kan du jo gjeta kvar dei dagane skal tilbringast…..

PARADIS (les:Odalen) here we come!!!

PS: I manko på sommarbilder i år,er alle bilda her henta i arkivet mitt. OG – rosene som eg trudde var borte,kjem flott i år også:0)

Stemningsrapport…

2010-06-25T11:00:00.001+02:00

Med nokre stemningsbilder frå Junibakken -

- ynskjer eg alle ei GOD HELG !

Nyt den ute i hagen – alle som er så heldige å ha ein hage….

Dørskilt, irritasjon og litt til….

2010-06-24T13:26:00.000+02:00

I 2.et. på Junibakken er det 4 dører – og dei skal få kvar sitt skilt har eg tenkt…

Josefs rom såg de i eit innlegg under her, idag skal de få ein kikk på dei 2 neste som er ferdige.

Verkstad skal sjølvsagt opp på døra inn til arbeidsrommet mitt -

- og så har me ryperommet… guterommet til min kjære…

Nokre småskilt som fortel litt meir om romma – skjønt; ryperommet er ein intern historie som eg ikkje skal fortelja så mykje meir om her *kremt* Kan røpa så mykje at det skal stå Tempo Corvette Sport på det vesle skiltet – og gjet kven som hadde DET – og kven som var EKSOSRYPE…?? hi.hi.hi…

Men dagen starta med irritasjon idag! JYSK åpna butikk på Voss (bildet tatt frå altanen hjå meg) og dei 20 første kundane fekk gåvekort på 500 kr. KUN eitt pr.husstand. Jento mi med dårleg råd og konstant lite pengar, stilte seg i kø før kl.8 i dagtidleg i håp om å få eit gavekort så ho kunne kjøpa noko ho hadde sett i reklamefoldaren som kom i posten. MEN : ho sto som nr.21 og var førstemann som IKKJE fekk gåvekort… Greit nok det – om det ikkje hadde vore for eldre ektepar med masse pengar på konto som stiller seg opp ein og ein og gjer som dei ikkje kjenner kvarandre!!! Milde Moses- KVA ER DET MED SLIKE FOLK???? Eg blir så eitrande forb.. på slikt at det kokar nesten over! Dei følte seg heilt sikkert krye over å kunna lura til seg ein tusenlapp og eg håpar dei får stooor glede av det dei kjøpte for korta sine! Slike folk likar Nikoline VELDIG DÅRLEG!!!

Men så over til noko heilt anna – som gjer meg berre trist…

Klokka 11 i dag fylgde me vesle Haakon til grava, barnebarnet til eit vennepar. Søndag gav han opp kampen om livet berre 10 månadar gammal. Det var ei fin avslutning i dag og fullsett kyrkje, og me har foreldre,besteforeldre og resten av familien i tankane våre. Eg unner verkeleg INGEN ei slik sorg…

********************

Den fyrste song eg høyra fekk,

var mor sin song ved vogga.

Dei mjuke ord til hjarta gjekk,

dei kunne gråten stogga.

*****

Midtsommar:0)

2010-06-21T10:39:00.000+02:00

– og sommarsolkverv!

Ja, i dag snur sola og me har brukt opp halvparten av 2010…

Til morgonkaffien sat eg og bladde i den gamle kokeboka eg har etter mamma og det vart så mange slags minner som dukka opp – for her var det nedskrive menyar for 50årsdagar, buffet for 17.mai,juleforberedelsar og masse godt som var “fast” ved forskjellige anledningar då eg vaks opp. Som f.eks. appelsinmarmeladen “som jeg har fått mye ros for”… eller ei av alle sildeoppskriftene ho hadde klart å snoka til seg hjå kokken på Klingenberg Hotell i Lærdal og som var fast tradisjon til jul… (silda altså – ikkje kokken…)

Men det eg stoppa opp ved i kokeboka i dag, var dette:

Tankane gjekk tilbake til barne og ungdoms somrar då det ALLTID var sol,fri og bading…. og mamma kom med iskald lemonade. Ser at ho har skrive sitronsaft i boka,men ho SA alltid lemonade… det høyrdes sikkert litt meir eksotisk ut for oss ungane… SÅ – i dag skal eg laga LEMONADE og feira sommarsolkverv!

I GÅR tok me fri frå Junibakken for å reisa på hytta og slå. Det tikka inn ei melding frå hyttenaboen tidleg på dag om at me burde ta med oss slåmaskin i staden for klyppar, og han hadde visst rett i det… FOR eit begredeleg syn !!!

Overgrodd og vanskjøtta -

Det nytta ikkje med plenklypparen,men husbonden har langorv med motor og sele kan vita..! – og då gjekk det som “ein leik” – time etter time – han med langorven og eg med riva… Ein svipptur oppover i skogen for å plukka med heim ein bukett liljekonvall tok eg meg tida til, og då slåtten var unnagjort og kaffikoppen var tom, var dagen gått.

Då ynskjer eg alle ei flott midtsommarveke og skulle også ynskja at alle hadde like fine solskinnsdagar som me har her no!

- Bruk dagen godt min venn, dagar som har gått kjem aldri igjen -

Akkurat no…

2010-06-19T21:47:00.001+02:00

– er himmelen fylt med kveldssol,sommarstova er fylt med bluesmusikk og glasa er fylte med vin… Det er lørdagskveld og her sit me og nyt både sola,bluesen og vinen og sist men ikkje minst – sjølve livet:0)

Det første gjesterommet på Junibakken er ferdig…

Dette er Josefs rom, snekkaren de veit… han som bygde huset og flytta inn på eit rom etterpå – og budde på dette rommet i over 40 år.

No gjenstår alt det kjekke! Dill og dall….

Foreløbig er det berre gardiner som er på plass, men resten kjem etter kvart og det er ingen fare med at de ikkje får både ein og to og fleire “innblikk” frå dette rommet.

Ha ein fin-fin lørdagskveld vidare de også :0)

Fargevalg

2010-06-15T09:55:00.000+02:00

Ein liten snartur innom bloggen i rasande fart for å “oppdatera” gjesterommet – her er det framgang skjønnar du :0)

Fargane er “mine” fargar,så eg er svært så nøgd med resultatet så langt;

Etter bildet er tatt har eg også fått måla resten av golvet,men det skal endå eit strøk til på vindu og golv ( ikkje så lett å dekka over gammal brun beis og lakk sjølv om eg brukar oljemåling)

Mykje av tilbehøyret har eg ståande “på vent” og de har vel sett det meste av det før vil eg tru…

Bølgeteppet er framleis ikkje HEILT ferdig,men det nærmar seg! Og stigen det skal henga på,manglar eg framleis…

No er det allerede slutt på mi tilmålte tid på dataen for i dag, men ein aldri så liten kikk fekk de då -

Nok ein gong TAKK alle mine kjære medbloggarar for at de framleis finn fram til meg, legg att koselege kommentarar og ventar på meg til det kjem rolegare tider og eg kjem på gjenvisitt. Ha ein strålande sommardag :0)

Her skal de få sjå noko stygt…

2010-06-11T09:43:00.000+02:00

I går reiste gravemaskina – grunnen til tilbygget er ferdig ;0)

Men dei kjem att på mandag med mindre maskin, då skal det gravast for platting og trapp til kjøkkeninngang,dei skal grava over gata for å få straum/telefonkablar i bakken (så slepp me heldigvis ledningstrekka i lufta!) OG – dei skal grava tomta til DRIVHUS !!! Jepp- drivhusdraumen blir til verkelegheit!

MEN……… eg har ein stygg mistanke om at sommaren går før det dukkar opp ledige snekkarar for å bygga på til soverom og bad… Difor fann eg ut at det kanskje er lurt å gå igang med eit av romma som skal bli gjesterom – for å ha eit midlertidig soverom til oss sjølve….. Her skal du sjå – Sodoma og Gomorra -

Forferdeleg!! Men du skal få nokre bilder frå samme rommet neste veke også, då trur eg det ser litt likare ut….

Har reve ei fastbygd seng og eit skåp, og det var meininga å berre måla tak/veggar no i første omgang. Men det såg så fælt ut der me reiv at det vart heilt nødvendig å få opp panel der…. Til vinteren skal heile rommet panelast + nytt tak. Så no blir det først nedvasking av sage/slipestøv og drit og så skal eg finna fram målespann og kost… Eit gammalt sengemøblemang er også under oppussing – du skal få sjå alt neste veke (forhåpentlegvis….)

I dag er alle himmelens sluser åpna, det høljeregnar!

Den siste tida har me hatt sommar med stor S, og slik har kveldane vore -

Klokka var 23 på kvelden, det var 17,8 grader og solnedgang over Horga. Eg sette meg ut i sommarstova med eit glas iskald jordbærcider og filosoferte over livet til langt på natt…

Får håpa at regnet ikkje varer i vekesvis no då ( det har ein tendens til det her vest…) og at me får ein fin juni vidare. Det håpar eg du får også,kor du enn befinn deg i vårt langstrakte land. Riktig god helg :0)

- og ledningar – det går det visst over alt!

Først av alt

2010-06-09T09:46:00.000+02:00

– må eg få takka for alle gode tilbakemeldingar på blomsterpottene! Eg “bøyer meg for fleirtalet” og lakkar med mattlakk ( det var vel egentleg det eg sjølv hadde i tankane i utgangspunktet også…)

SÅ…

Det står ein grønnmalt benk i haven -

- og ein svartmalt sykkel i porten -

- og benken skal bli kvit – og sykkelen skal stå mot kvitt gjerde – når eg berre får litt tid på meg… :0) FOR NÅR HAGEN SER SLIK UT:

- treng ein eit lite pusterom under epletreet, eller ein koseleg velkomst i porten!

Og eit kvart køyretøy med respekt for seg sjølv har sjølvsagt eit nummerskilt for å ferdas legalt etter vegen – Eit lite minne frå vår fantastiske tid i USA, bilskilt kjøpt på Route 66 passa bra på den gamle sykkelen etter svigerfar ( han sykla på denne til han var 93 år gammal!)

Og over benken, i epletreet -

- ein koseleg bopel for fjørkledde….

Det bur ingen der, men det er likevel eit lite blikkfang når eg set meg på benken “for å puste på ei stund”

Ein god junidag til alle mine besøkande – frå Nikoline :0)

Berserk med servietten….

2010-06-03T12:45:00.000+02:00

– og no ynskjer eg gode råd !

Gamle blomsterpotter blir som nye….

Med blomsterpotter,decopagelim og roseserviett har eg boltra meg, kanskje litt vèl mykje… det er vanskeleg å begrensa seg og stoppa i tide når ein held på med noko ein likar:0)

Kan ikkje de vera så snille (??) og fortelja meg :

-om eg skal lakka utanpå med mattlakk eller om eg skal “kalka” motiva så det blir dusare fargar!

Blir veldig glad for tips frå deg!!

*************************

Og som eit lite tillegg idag må eg visa kva som dukka opp på guterommet til min kjære igår….

Grumsete og “heimagjort”,men syntes det var så artig å finna dette for eg har aldri sett bildet før… I all uklarheita ser eg at det er meg og min kjære,og bildet må vera frå 1973… Då eg utbraut “ Ja,dette var tider,det..!” kom svaret raskt og kontant: “Ja,og tenk så har me TIDER fremdeles!”

Og takk for det:0)

Du svigerfar,du svigerfar -

2010-06-01T11:26:00.000+02:00

- du var noko for deg sjølv,du….

Har du bruk for grasklyppar….? (forresten,litt for seint – den er havna i containeren-)

Der andre brukte gamle barnevognstativ til trøbilar o.l., såg svigerfar at om han sette motor på eit slikt kunne han klippa plenen med det -

Eller kva med eit par varme,gode sko til vinteren…? Str.elefant… Kjekt å ha…? Nei,dei gjekk i containeren dei også:0)

De kan berre ikkje ANA kor mykje rart det har dukka opp under ryddinga!! Men LITT fint har eg då og kvila auga på innimellom skrotet:

Sette masse tulipanløk i eit ventebed ved Gatehuset i fjor haust,og no er det ein fargeklatt til å bli glad av midt i hagen.

Her heima er tulipanane på hell dessverre,men flotte er dei jo framleis -

Og epleblomsten og syrinen kappast om å strekka seg mot sol og blå himmel.

Med ull rundt halsen og solbærtoddy i strålande sol og over 20 varmegrader, er halsen i orden att også. Ulla og alle god-bedring-ynskje på bloggen gjorde nok susen! Tusen takk skal de ha!!

Golvet er framleis ikkje vaska (det kjem jo alltids ein ny fredag.. hi.hi..), men du store allverden kor mykje anna me har fått gjordt!

Fyllt opp to store containerar,klipt og spadd opp ein gammal hekk og flytt busker o.a. til gravemaskina skulle komma.Hekken har eg delt opp og planta nesten 20 m.med stiklingar langs eit anna gjerde i hagen. Rabarbrarota måtte også flyttast,så den hausta eg av før eg tok spaden fatt :0)

Nesten 5 kg. rabarbra er blitt til herleg og frisk saft! Så no, “ungane” mine – er favorittsafta klar til de kjem heim på sommarferie.

Me startar på juni månad idag, snart midtsommar og ferietid folkens! Nyyyt dagane me har no!!

Eg har plystra langt etter fredagsvasken idag…

2010-05-28T14:03:00.000+02:00

– for eg har nemleg halsbetennelse!! - (og ingen kan vel vaska og styra med halsbetennelse,eller…?)

Når ein har halsbetennelse må ein nemleg sitta heilt i fred og ro og gjera på noko KJEKT -

Som f.eks. laga seg ei hagedagbok

Så får me sjå om denne “medisinen” hjelper,eg har i allefall gjordt ALT eg kan for å verta frisk att idag – heilt i ro og heilt i fred -

Ha ei strålande helg alle saman !

På Junibakken står det to store containerar og ventar på å verta fylte,så då går vel helga mi med der antakeleg….

Så trasig – men HEILT nødvendig…

2010-05-27T21:20:00.001+02:00

I hagen på Junibakken står det eit utruleg flott tre – eit gedigent morelletre!

Store,lyse kjøttmoreller i kilovis var det i fjor… og no står det dryssande fullt av morelleblomst.

I hagen på Junibakken STO det eit utruleg flott tre – for hvis ikkje me vil ha eit morelletre på soverommet måtte motorsaga fram og treet til pers…

På mandag kjem det gravemaskin og skal grava ut tomta til påbygget, og soverommet kjem her som treet sto.

Denne vesle frua savnar treet ho hadde å kvila i før ho smatt inn under takrenna med mat til sine svoltne små, no må ho ha ei mellomlanding i fjernsynsantenna. Håpar familien snart forlet bopelen så me kan få bytt takrenna her,det er berre denne eine att av dei gamle –

Som de ser er det smått med blogging for tida,og det nye kameraet er også eit kapittel for seg!! Travle tider – men eg skal ta det att seinare:0)

HURRA – x 4!!

2010-05-17T19:58:00.000+02:00

Hurra for 17.mai og vèl overstått dag!

Flagget vaia i sur vind og regnet gjorde det klissvått – men været kom seg heldigvis utover dagen. Som ein liten dokumentasjon for meg sjølv tok eg med bildet frå 17.mai i fjor til samanlikning…

HURRA for at storajento har vore på besøk og lagt inn bilder frå mitt nye kamera på dataen! Eg har i grunnen aldri sett på meg sjølv som tungnem,men idag fekk eg bekrefta at det mååå eg vera – for makan til tungvinte greier med overføring frå kameraet!! “100” operasjonar som går heilt i stokk for ei gammal dame… nei,det blir nok berre innlegg når eg har besøk og får assistanse er eg redd for…!

Det 3. HURRAET er for framgangen av kjøkkenet og at eg hermed kan visa bilder av det (takka vera storajento..) Eg veit det er mange som ventar på bilder frå Junibakken, og sjølv om det er langt fram før det er ferdig så kan de få ein liten sniktitt:0)

Dette var soverom og bad. No kjøkken -

Det 4. HURRAET tilegnar eg min kjære. Det er mangt og mykje å ropa hurra for når det gjeld denne mannen, men akkurat i dag hyllar eg han for at han er ein flott brannmann! Denne situsjonen under her har ikkje så mykje med brann å gjera,men likevel….

Simon Snorkel kom til god nytte då han måtte på taket for å ta mål av pipehella som er sund.Med liften på brannbilen og meterstokk på lomma var “den biffen” ordna på nokre minuttar…

Er han ikkje flott,brannmannen min? (denne spørsmålformuleringa fekk meg til å tenkja på fødselen til vetlajento vår… ho hadde jordfar som tok imot sitt aller første barn åleina,og etterpå gjekk han rundt med henne på armen og viste ho fram til ALLE med samme spørsmålet; ER HO IKKJE VIDUNDERLEG VAKKER?? - og kven kunne svara “nei” til han då?) Men jau, brannmannen min er flott på alle måtar!

Dagen idag er gått over til kveld, me kan spenna beina på bordet og maula siste restane av nasjonalkosten og berre nyta livet.

For sjølvsagt har me hatt alt det tradisjonelle på bordet. Spekemat,dravle,rømmegraut,wienerpølser m.potetkaker,kaker,sjokoladepudding og sist men ikkje minst – rips m.vaniljesaus! Trur aldri eg har feira nokon 17.mai utan rips…!

Eg takkar så masse for alle kommentarane,eg set så stor pris på at de held meg med følge framleis,sjølv om det blir smått med tilbakemeldingar for tida… Om eg ikkje finn tida til å kommentera hjå alle så er eg innom hjå kvar og ein på lista mi når eg ser det er nye innlegg,så eg held meg nokolunde oppdatert folkens…

Riktig god kveld og avslutning av nasjonaldagen vår !

GOD HELG!

2010-04-30T10:56:00.000+02:00

I morgon kan me bla om til MAI på kalendaren, ein herleg månad!

Statusen ang. fotoapparatet er den samme,så eit bilde frå slutten av mai i fjor får duga idag…

Ynskjer alle ein strålande 1.mai og riktig god helg !

Ja,er det ikkje det eine – så er det det andre…

2010-04-24T18:37:00.000+02:00

(sa jenta,ho blødde nasablod….)

I DAG STREIKA FOTOAPPARATET !

Eg lirkar og lurar med på/av-knappen,men det er 0 kontakt å få… Og eg hadde så masse bilder frå gatehuset som eg skulle visa idag,men kva hjelper det – når eg ikkje får lagt dei inn på maskina…? det var ikkje så veeeldig spennande bilder så det gjer ikkje så mykje likavel.. me har fått opp ein vegg på kjøkkenet og fått i skyvedøra inn til spiskammers – det var berre det eg ville visa…

Eit par bilder frå det siste eg har pusla med kan de jo alltids få -

Korger til stryketøyet er komne opp på arbeidsrommet i gatehuset. Dette var eit stativ med 3 brune korger i som eg har hatt ståande etter butikken. Stativet fekk ein grundig skur med Jif og korgene eit par strøk med grå spraymaling.

Ei lita påminning til meg sjølv når dungane med stryketøy veks over styr, er nok på sin plass…. Hadde lyst å skriva “ kvifor gjera idag det du kan utsetta til i morgon” – men tok meg i det…

Så med desse kloke orda ( siktar til sistnevnde ordtak) ynskjer eg alle ei riktig god helg!

Mange var nære -

2010-04-21T12:39:00.000+02:00

- men berre ei hadde rett!

Eg snakkar om dørslaga frå Ikea der eg spurde om de kunne gjeta kva dei skulle brukas til…

Mange gode forslag kom inn som eg ikkje hadde tenkt på i heile tatt, til garn, til sommarblomar som kunne settast i jorda utan å uroa røtene når eg reiste vekk (DEN var slett ikkje dum,nei…) og dei aller fleste trudde det skulle bli lampar.

Trude med bloggen Hverdagssnublerier hadde HEILT rett…..

Det skal plantast jordbær i dei. Flakmose,jord og dørslag ligg klart. Eg kler innvendig med mose for å halda på fuktigheita(og jorda) og fyller dei med god matjord.

Klare for jordbærplantane. Ser du forresten kor grønt og fint graset er blitt allerede? I skrivande stund høyrer eg grasklypparen til naboen durar og går…. me ligg på solsida i skrått terreng så det er alltid tidlegare vår her enn andre stadar på Voss.

Ja… her står dei no og kosar seg i sola,saman med ein del små stiklingar frå jordbæråkeren. Dørslaga skal hengast opp i kjetting,men då må eg ein tur på Jernia først.

Det gjeld om å vera EKSTRA kreativ denne sommaren – då eg flyttar frå ein stor og godt opparbeida hage og ned på ein “byggeplass” med berre kaos! Men neste år skal det bli andre bollar! Tomta er stor ved gatehuset også, 1 mål og heilt flatt, men du kan tru eg HAR PLANAR…!!! I sommar blir det jordbæroppheng,urter i ein balje og blomar i ei sykkelkorg… DIGILI-DIGILO…!

Nostalgisk tilbakeblikk.

2010-04-19T11:28:00.000+02:00

Som regel har eg alltid eit lite kaffipause-arbeid liggande. Eit enkelt handarbeid som eg triv til når eg set meg ned med ein kaffikopp. Nett no er det eit hekla setetrekk til sykkelen eg held på med, for ein gammal sykkel blir nemleg det heile av hage i år. Den skal parkerast ved inngangen til gatehuset og “danderast” med blomar,resten av tomta blir byggeplass og ventebed og eit einaste kaos. Men ein blomstersykkel kan få pynta opp ved porten,og SJØLVSAGT treng den eit fint setetrekk – hi.hi….

Då eg sat og hekla igår og tankane gjekk i fri flyt,tenkte eg på mitt aller første hekleprosjekt… og det var litt av eit prosjekt skal eg sei deg! Bestevenninna mi og eg skulle innviast i den edle heklekunsten og det var mor hennar som skulle vera læremester. Ambisjonane var enorme og me var 12 år gamle… DRAKT skulle me hekla oss,intet mindre – skjørt,jakke og hatt (!!) i fastmasker og stavar. Eg kan framleis sjå for meg bildet på mønsteret den dag i dag, og angåande garn fall valget på petroleumsfarga perlekrepp – og sjølvsagt skulle me ha garn til HEILE drakta med oss heim! Etter mykje om og men klarde heldigvis mor til venninna mi overtala oss til å starta med garn til hatten i første omgang. For å gjera ein lang historie kort – me lærde oss og hekla, men noko FERDIG HATT vart det aldri….

Me var nokre flittige små maur,jentene i grenda. Då eg var 13 år hadde eg strikka mine eigne gensarar og sydde buksene mine sjølv. Så starta me opp med klubb, i det herrens år 1967…. tordagane gjekk me på speidaren,tirsdagane hadde me klubb. Med handarbeid og quiz med dei merkelegaste spørsmål – eit eksempel ; Har nokon i Dizzie Tunes fått langt hår?

Og så hadde me tøffe gutar i nabolaget, sjå berre her!

Nokon hadde så gar eigen moped… Dei var nok mang ein gong samtaleemne i klubben…

Mødrene våre sto for bevertningen til å begynna med, men etter kvart ordna me “den biffen” sjølve også. Det var ofte bollar og saft…

Eg ser nytten av denne tidlege klubbtida vår idag, me lærde oss det mest grunnleggande innan håndarbeid,me lærde oss og mestra kokekunsten,ta ansvar med å stella istand og rydda vekk etter oss,væra sosiale individ med omsorg for kvarandre pluss at me fekk utvida kunnskapane bitte litt også – for det var ikkje BERRE teite spørsmål i quizèn…

I dag, 43 år seinare, har me framleis klubb! Ein gong i månaden møtes me trufast med håndarbeidsposane våre… Quiz har me ikkje lenger og samtaleemna er nok litt anna enn dei var,men samhaldet og gleda over å møtas er det samme som det var i 1967 -

- og me jentene….? Tja – me er vel stort sett dei samme me,sjølv om me har feira forlovelsar,bryllup,barnefødslar,konfirmasjon,barnas bryllup og barnebarn saman (sistemann ut skal bli bestemor til sommaren så no blir ho endeleg “ein i gjengen” der ho også…) så føler me oss slett ikkje gamle! Det er berre klubben som er gammal….

Nei,no skriv eg meg heilt vekk her idag – no må eg fram med malepenslane att, og i kaffipausen blir det nok ein omgang og to til på setetrekket mitt skal du sjå…

God,ny veke til alle:0)

Det er mykje som kjem fram når snøen forsvinn -

2010-04-16T10:18:00.000+02:00

-heiter det i sangen – men jammen er det mykje som kjem fram når ein har opprydning i skap og skuffer,korger og kiwiposar også…!! (Utan at snøen har lagt seg på det…)

Slik som dette f.eks. Border eg broderte i min “ungdoms vår”, NESTEN heilt ferdige… No skal det ikkje pakkast ned att før det er HEILT ferdig! Bordene har eg tenkt på ein snippduk til kjøkkenet, men eg er veldig i tvil om kva stoff eg skal festa dei på… vanleg kvitt, kanskje blårutete, eller noko heilt anna…?? Og skulle eg sydd blonder utanfor..? Eller kanskje mellomverk mellom bordene og stoffet…? Tja… ikkje veit eg…

Ein annan ting som dukka opp i ein pose -

Trekk til varmeflaske, og dette var faktisk fix ferdig! Til og med “høghalsa” – kjekt å ha…

Forrige veke var me på shoppingtur i Åsane. Og handelen vart så pass stor at me ikkje fekk alt med oss heim att i bilen (og me har ikkje noko liten bil…)

Blandt ting og tang eg hadde med heim var lampar til kjøkkenet i gatehuset

- og bordlampe til arbeidsrommet mitt.

- og dette -

Kan du gjeta kva eg skal bruka desse dørslaga til ??

Kanskje det kan vera ei lita “nøtt” å tenkja på i helga…?

GOD HELG !