Småfornyelsar til kjøkkenet.

Etter fleire dagar i godt selskap med kjær slekt og gode venner,blir det så tomt når dei reiser… Etter å ha vinka adjø til dei som sette bilen mot Strømmen i 2-tida i går,gjekk eg nokre rundar rundt meg sjølv før eg fann roen… Men eg var forberedt på nettopp dette,og hadde vore på Garnsenteret for å kjøpa “redning”. Bomullsgarn til håndduk,blonder,gryteklutar og oppvaskfiller….

Og no er eg godt i gang.Det er blitt blonde på ein linhåndduk, ein og ein halv gryteklut og snart halv strikka håndduk.

Det er i ein litt gråaktig farge for å ta opp litt av alt det gråe i stova.Mellom kjøkken og stove er det nokså åpent då me har to store glassdører mellom romma,då kan det vera lurt å “dra med seg” noko av fargane frå rom til rom synes eg.

I dag skin sola frå skyfri himmel og det er så typisk som det kan bli… siste dag av ein påske med regn…

Vetlajento og pappen snekrar (uff,skulle vel ikkje sagt dette då det framleis er helligdag,men det er no slik det er…) Dei “kokar” godt ihop og har funne ut at dei skal flytta inngangen til sommarstova… Den har vore mot vest,så i og for seg er det nok det beste at der blir tett,været står alltid på frå vest og då regnar det langt innover på golvet.Bilder kjem etterkvart….

Ha ein fin dag!