Titt-titt,her er eg…..

Eg er ikkje gått HEILT i hi, har det berre litt travelt for tida. Det første som må vika i travle tider,er bloggen…

Ei stille stund på kjøkkenaltanen før kvardagen startar for alvor.

Eldstejenta er på besøk frå Sverige i forbindelse med klassefest i Bergen sist helg.Ho har teke litt av ferien sin her hjå oss og me nyt nokre dagar saman i finveret.

Eg har såvidt begynt å pynta opp litt ute på altanen slik at det er koselegare å innta frukosten her,men det er ikkje planta noko særleg endå.

  På veggen har eg hengt opp ei gammal potetkasse som fungerar som hylle. Ein vakker patina på slikt gammalt treverk…

Skiltet laga eg for mange år sidan,det skal forestilla sukkerert og eg har forma dei i cernit.Det er vel kanskje på tide å kvitta seg med det etterkvart,men det får henga der inntil eg har funne på noko betre.

Medan eg sit her ein tidleg morgon og funderar over livet, sender eg ein ekstra varm tanke til ein spesiell og god bloggvenn. JORUNN,med bloggen Litt av mitt, ligg på sjukehuset med hjarteinfarkt berre 41 år gammal. Det gjekk bra heldigvis,og eg ynskjer god bedring og håpar ho snart er heima i eige stova att!

Utsikta frå her eg sit i korgstolen min,er upåklageleg! Sola skin, eg let både tankar og auger gå “i fri flyt” medan eg samlar energi til den nye dagen som ventar.

 Håpar du får ein fin dag også!