Klokkeklart…

Søndagen var så god som ein novembersøndag skal vera igår… Eg tok heilt fri frå arbeidsrommet for å lada opp batteria til ny og travel veke,og det var godt kjenner eg…

Det vart skogstur i mildvær,og sola smilte inn mellom granleggane. Eg samla kongler som eg måla utpå ettermiddagen, og litt andre skattar av det naturen har å by på vart med heim også…

For at dette skulle verta den perfekte novembersøndagen, vart det lutafisk til middag! Noko av det beste eg veit… med tilbehøyr som seg hør og bør… steikt bacon,ertestuing,flatbrød og bondesmør. Som om ikkje dette var nok,slo fruen riktig til og laga dessert!!! Snakk om luksus… sviskekompott med fløyte… (dette var MITT bidrag i anledning farsdag…*kremt*)

Så med friskt mot starta eg dagen på arbeidsrommet før kløkka åtte i dagtidleg.

Og klokkeklar som eg var idag,måtte det jo verta klokkemåling …

Eine klokka med raudrevmotiv og den andre med fuglemotiv.

Eg får ein del mailar (og også i kommentarar) der det er spørsmål om å få kjøpa div.av det eg viser her, men dessverre er ikkje dette varer for salg endå,det er varer til julemesse. Me får “snakkas” etter nyåret om det kanskje då vert produsert for salg gjennom bloggen.

Så ynskjer eg alle ei god,ny veke og håpar alle har like flotte novemberdagar som me har her på vestlandet :0)

Som dagene går….

– ELLER - “DENNA DAGEN,ETT LIV” som farbror Melker sa….

Tida flyg avstad fortare enn eg klarar hanga med! Eg målar og eg målar… men no måtte eg ha ein bøy-og-tøy-kvilepause og med ein litt sein lunsj koblar eg av framfor pc`en. (og nyttar tida med eit aldri så lite innlegg….) La meg med ein gong sei at det er IKKJE for å få skryt eg legg ut bilder av produksjonen,men eg veit det er mange som ynskjer å sjå kva eg målar om dagane.

Gradestokkar i fleire variantar -

Teskrin med 9 rom inni (kvart rom akkurat passe for teposar)

Kaffikjele og mjølkespann (skulle vel vore kyr istadenfor høner her,men…

Og postkasser (med dei evinnelege trolla…!!!)

Når eg ikkje målar,ryddar eg… i Gatehuset… på kveldstid…..

Hadde vel aldri trudd eg skulle gjera dette; legga ut bilde av meg sjølv i arbeidsmondur og håret på “halv åtte”…. men her er eg altså (!!) på veg baklengs ned trappa med hendene fulle av ROT og SKROT ! Trur aldri me blir ferdige å rydda i Gatehuset nokon gong!

Tek med bilde av eit anna klenodie som finns i huset der (utanom Nikoline), denne gamle komfyren. Den skal heller ikkje kastas,den skal få ein liten plass på nytt kjøkken som “pynt” og minna oss på ei forgangen tid i Gatehuset….

God ettermiddag!  (i kveld skal eg ta meg tid til ein runde rundt om hjå kjære medbloggarar og sjå kva de held på med for tida :0))

Søkjer dame med erfaring… – er DU den rette??

ALTSÅ… DETTE ER IKKJE NOKO KONTAKTANNONSE…

Saka gjeld gamle badekar,nemleg.

Dette badekaret står i “Gatehuset” vårt,og der har det stått sidan 1947. Godt brukt og tusenvis av gonger skura med ATA skurepulver,og like mange gonger vore bada i av familie på 7, samt oppbevart plantar i i ferietider.

Som de ser så ber badekaret godt preg av bruken gjennom 60 år. Badekaret har eg ingen tanke om å kasta,det skal brukast på nytt bad.Etter ein runde hjå både byggevarehus og rørleggarar for å forhøyra meg om det finnes nokon som kan emaljera det om att,har eg forstått at slikt IKKJE let seg gjera her i bygda… Idag hadde me murar innom for å sjå på eit arbeid ang.ny ovn,og noko med det første han kommenterte var badekaret. Han anbefalte ikkje emaljering,for den gamle emaljen var så sterk. Me skulle rett og slett prøva å polera det opp att… Så det er her spørsmålet mitt kjem opp… ; finnes det nokon her i blogglandia som har erfaring med dette????? Eller er det nokon som veit om det er folk som emaljerar i Bergensdistriktet??? Alle tips tas imot med stoooor takk!

Gamle kranar er det flust av også i Gatehuset. Dei skal også få ein ny sjangse hjå meg… Litt tungvint å skru på to kranar for å få lunka vatn kanskje, men det skal me alltids stå ut med…

Flotte kranar! Har også med porselenknopp i midten med raudt og blått symbol på,men dei gløymde eg å ta bilder av då me var innom i huset i kveld.

Så har eg fått pakke i posten idag :=))

 

Koselege Lobelia er avsendaren. Eg kjøpte to gammeldagse emaljeskilt som skal brukast i Gatehuset, ein sjablon med olivenreklame som skal brukast til stoltrekk (også til Gatehuset) og nydelege sinkstjerner som skal brukast til advent.

  

Her er litt av “ingrediensane” til adventsdekorasjonen eg skal laga,så kan de vera litt nyskjerrige ei lita stund… de skal få sjå meir seinare… planane har eg klare,forståss….

Og snille Lobelia sender med ei lita gave også når eg handlar. Takk skal du ha ;0)

Då håpar eg på litt respons ang.badekaret,og takkar samtidig alle mine kjære bloggvenner for dei koselege kommentarane de legg att her hjå meg sjølv om eg er inne i ein frykteleg dårleg kommentarperiode sjølv… uff,denne tida MÅ eg snart få litt meir av..!!!  (Nokon som veit kor eg kan få kjøpt litt ekstra av TID også forresten?)

HA EIN FLOTT TIRSDAGSKVELD !

Med skrifta på veggen -

- I ALLE FALL OPPSKRIFTA….

Endeleg i gang med julemesseproduksjon ! Det er vel på høg tid –  3 veker har eg på meg….

Nokre pannelok er ferdige, pluss ei lita sag som ynskjer velkommen.

Her er det om å gjera å bruka tida rett framover….

Sistemann ut….

PÅ BESTILLINGSLISTA!!!!! (Og eg er hoppande glad for DET!)

To postkasser til sauebønder dette….. og det skal forestilla spelsau… skal tru om dei ser kva rase det er når postkassene vert henta…?

Så har eg fått ein flott utmerkelse hjå STUBBETUFSA , takk for   det! Og takk for alltid fine ord frå deg,Stubbetufsa!

Denne flotte utmerkinga kjem frå STRIKKEBESTA (Kristin) og med den fylgjer også ei lita utfordring. Tusen takk til deg også! (og eg kjem tilbake til utfordringa om ikkje lenge)

Og heilt til slutt må eg nett reklamera litt for storajento mi… Ho har nettopp laga seg blogg som heiter I SVINGEN. isvingen.blogg.se Ho set sikkert pris på eit lite besøk :0)

HA EIN FIN MANDAGSKVELD, DET SKAL EG !

PS: Ser i ettertid at hyperkobling ikkje virkar på bloggen I SVINGEN, veit ikkje kva eg har gjort feil…. men de finn henne på lista mi på høgresida her :0)

Devoted to details…

Etter helga står den aller siste veka av oktober framfor oss og i morgon stiller me klokka til vintertid. Hausten er altså over….. Og kvar tok den vegen dette året skal tru???

(AKKURAT NO ER DET DETTE SOM TEK UTRULEG MYKJE AV TIDA – RUTEPAPIR/BLYANT/LINJAL OG VISKELÆR – EG TEGNAR KJØKKEN…)

§§§§§§§§§§§§§

Den laaaange hausten då eg alltid skal få gjort så mykje!! Phøø…! Eit fingerknips – og den er forbi - “Lageret” med målte varer er framleis 0,og panikken sprer seg med tanke på julemesse…. I år som i fjor,og året før det,og året før det….

(TOTALT OPPHENGD I DETALJAR – DET ER EIN SLAGS SJUKDOM EG HAR OG SOM EG ALDRI BLIR FRISK AV!)

§§§§§§§§§§§§§§§

Men til neste år, DÅ skal alt bli så mykje betre… trur eg… (ikkje sant Trollkåno?) Då får eg så gooood tid,at…

Og så drøymer eg om alt eg skal gjera og få laga til meg sjølv når eg får god tid. Har eit kjempelager oppi hovudet av idear som skal settast ut i livet ; eg skal mala-sy-strikka-hekla-lima-snekra og planta.  - Til hausten ein gong…..

(SJEKK DESSE FIKSE DETALJANE HER !)

§§§§§§§§§§§§§§§§

Og for ikkje å snakka om alt eg skal brodera! Når dei laaaange mørke haustkveldane kjem,skal eg tenna masse levande lys,setta meg godt til rette i godstolen og brodera dei flottaste ting. Det er ikkje måte på alt som skal bli ferdig i løpet av hausten ein gong….

(VALGET ER TEKE IDAG : DET BLIR DETTE DRØMMEKJØKKENET I FARGEN PERLEGRÅ OG MED SKIFERFLIS PÅ GOLVET)

Til hausten ein gong…. Neste haust kanskje…?

Ei riktig god hausthelg til alle !!

Så er det over….

Tunge og strevsamme dagar har roa seg, og idag var det att berre to kaffikoppar på bordet. Det var litt rart å sei adjø til dei to siste tilreisande idag etter nesten to veker med mange familiemedlemmer rundt seg. Det har vore godt med selskap i slike trasige dagar.

Som sagt før,er det berre min kjære og eg som har budd her i bygda saman med svigerfar, så det vart mange som skulle overnatta over lengre tid. 18 personar skulle ha ei seng og ei dyne,så det vart nesten så eg måtte “på bygda” på dynejakt til slutt…

I ettermiddag har det vore tid for refleksjonar. Det har vore mange og mista på relativt kort tid i vår familie,og eg må nok innrømma at dette var det dødsfallet som var lettaste å “håndtera”. Svigerfar var ein gammal mann,fornøyd med å leva og lengta egentleg berre etter å få møta att svigermor som døde for 21 år sidan. Han sovna stille og roleg inn utan smerter eller dramatikk av noko slag.Likevel synes eg døden er vanskeleg å akseptera uansett kva tid den kjem.

Eg har fått så masse kommentarar,mailar og sms`ar frå dekan  med varmande og trøstande ord at eg har fellt ei lita tåre kvar gong eg har vore innom bloggen. Tusen,tusen takk for omtanke og varmande ord alle saman!

Det vert framleis lite med bloggetid for meg ei stund til, for på torsdag får me nytt besøk østfrå. Det er noko eg verkeleg gledar meg til, og som vetlajento sa då ho høyrde kven som skulle komma ; “ ååå… så deilig for deg mamma at de kommer nå så du kan få noen koselige dager etter alt strevet som har vært i det siste” – og JA!- det vert “deilig”!

Saman med matmor og “pappa” kjem denne kosebamsen på besøk…  har de sett noko finare…??  Eg er litt spennt på korleis Argon taklar dette besøket… han er kongen i tunet her og får besøk av ein annan som også gjerne vil vera kongen… dei var ikkje så VEEEELDIG gode kompisar i vår då “bamsen” kom på besøk…

Det einaste eg uroar meg litt for no, er at østlandsbesøket skal over fjellet… slik ser det ut på toppane i Vossabygda … Snøen kryp stadig lenger nedover fjellsidene rundt her, men endå har me heldigvis ikkje hatt frostnetter. Dei kjem vel med finværet, så det kan jo ta si tid…

Neste veke er eg “ i rute” att går eg ut ifrå, inntil dess ; HA EI FIN-FIN VEKE OG NYT KVAR DAG !!!