Brannmannen og hans forhold til Birgitte -

- Birgitte Lid.

Eg har hatt innlegg om henne før. Eg skreiv om denne rivalinna i 2008 og trudde ikkje eg skulle nevna henne fleire gonger. Men i dag føler eg for å bringa henne på banen att.

No er ho så stygg og medfaren etter alle skogsturane ho og brannmannen har vore på at til og med EG føler medynk med henne…

Fredag 13/4 hadde brannmannen fødselsdag og konemor synes gåver skal vera til nytte og noko ein har bruk for. Til eldre ein blir,til mindre har ein bruk for og verre og verre blir det å finna noko nyttig å gje bort. Ikkje i min villaste fantasi hadde eg trudd eg skulle “investæære” i noko til Birgitt `n , men brannmannen har snart slite ut det meste som går an å slita ut på henne og verst av alt har det gått ut over setet – sjå på dette…!

Konemora og ungdommen i huset hadde ein aldri så liten traktorprat og konklusjonen vart at NYTT TRAKTORSETE MED FJØRING var det mest nyttige brannmannen kunne få til fødselsdagen sin. Så no kan dei snart gynga seg avgårde på skogsvegen – HO med si eksklusive HMV hurtigkobling og HAN med fjøring under bakenden…. (eg trur dette kjærleiksforholdet vil vara livet ut) Forholdet er intenst og spesielt kvar vår tilbringar dei svært mykje tid saman!

Apropos vår – i går sat me ute i varmande vårsol , i dag ser det slik ut på terassen og hagemøblane (og jadden meg har Birgitte klart å stikka fram det lange snyteskaftet sitt på dette bildet også!)

Det skiftar fort, men uansett så er det altså 14.april og første sommardag på primstaven i dag. GOD HELG :0)

Ein trappestolpe blir til…

Av og til kan det vera vanskeleg å finna noko i butikken, noko som ein har sett for seg i sitt “indre” men som ikkje finnes for salg… Som f.eks.ein trappestolpe –!

I trappegangen her på Junibakken var det tidlegare ein vegg fram ved sida av kjellardøra her og trapperekkverket var festa i veggen. Denne veggen vart riven då me dreiv med renoveringa og sidan har rekkverket stått og dingla i lause lufta utan noko “å klamra seg fast til”. I mitt einfald trudde eg at ein trappestolpe var ei smal sak å få fatt i… jammen sa eg smør!! Sååå kjedelege , spinkle og moderne – passa ikkje inn i eit hus frå 1947 i heile tatt!

Men DÅ, ser du – det er DÅ det er kjekt å ha ein brannmann som i tillegg til å sløkka brannar også mestrar det meste og får til det meste – ein riktig handyman! (uff, no veit eg at han blir ille til mote når han ser dette,han likar ikkje at eg skryter “offentleg” av han…) Nikoline tegnar og fortel *les : bestemmer* og brannmannen sagar og spikrar akkurat slik ho vil ha det:0)

Ein gammal sprukken stokk kom heim frå ein annan brannmann som ikkje hadde bruk for den lenger, listebitar i diverse utgåver vart saga til, og vips – ! Nikoline hadde fått seg ein trappestokk AKKURAT slik ho hadde sett det for seg i sitt “indre”!  Eg er vel heldig!!

I trappa er det no kome opp gardiner i vindauga, gammal hardangersaum etter mamma, ein stige har fått pyntehåndduken som høyrer til gardinkappa og ein pose eg har malt sauer på.

Her er trappa sett frå 2.et.

Når trappestolpen har fått eit par strøk til med maling skal det malast Nr.5 på med lys grå og så skal de få eit heilheitsbilde til slutt.

Ha det fint min venn :0)

Hei, og god påske alle saman!

Her dansar snøfillene i lufta og skodda heng tung nedover i fjellsidene. Men me kan ikkje klaga, det har vore nokre strålande solskinnsdagar til no og i morgon lovar metreologane ei stor gul sol og blå himmel att.

Med sol og klarvær fylgjer kalde netter, det har vore både 7,8 og nesten 9 kuldegrader på morgonen. Då er det viktig å tenkja på stumpen når ein set seg ut i solveggen!

- og nettopp DET har eg hatt i tankane -

Gode tova sitteunderlag i reinaste ull… sjølvsagt med litt “dikkedariar”…

4 stk.i forskjellige grå nyansar er ferdige og det 5.er på pinnane.

Eg har nålefilta motiv og det er blitt både sopp, pus og harepus, det neste skal få musemotiv. Meininga var å ha ein raud tråd i motivvalg,men det vart det så som så med. Men ein raud knapp som gjennomgangstema er vel like så bra,det.

Hageputer og pledd er funne fram frå skapa – enn så lenge ligg det fint dandert innomhus. Me satsar på morgondagen :0)

Ha ein fin påske vidare!

“På kjøretøyet skal storfolk kjennes…”

Det er VÅR – det er spenning i lufta – sevja stig og alt vaknar til liv.

Det er tid for skuleball og kjekk ungdom har pynta seg til fest. Våryre og fulle av spenning har dei forberedt ballet i lang tid – og det vart tidleg klart at “vår” ungdom hadde ynskje om å koma standsmessig til ballet i brannbil….

Brannmannen stiller opp – som alltid. Den største spenninga var været, vart det opphald i regnet lenge nok til at gamle veteranbilen kunne brukas? Der sit dei utandørs.

Og ja.. værgudane var med på laget, og desse flotte,staute karane er krye som påskehanar her dei sit… (og eg er kry som ei påskehøne og synes det er SÅÅÅ fine gutar – sjølv om ingen av dei er mine!!)

“Fylgje” ventar på skulen, brannbilskyss er ikkje det ideelle med ballkjolar på. Så her forsvinn gutane nedover gata og har ein spennande kveld framfor seg.

Og her sit eg då, miiilevis frå den tida ein var 16 år og skuleball var aktuelt… MEN med våryr kjensle i den gamle skrotten,lukkeleg over livet uansett! No skal eg hoppa i dusjen og så skal eg ta meg ein rusletur i den fine vårkvelden med mine alldeles NYE VÅRSKO!

* Livet er det du gjer det til *

Kva er eg på utkikk etter trur du ?

Er det etter dei pelskledde i skog og mark – ? Nei.

Eller er det etter dei fjørkledde som kvitrar så muntert for tida – ? Nei.

Kan det vera etter påsken som står for døra – ? Tja…

Eller kikrar eg desperat etter VÅREN – ? Jaa !

Men aller mest AKKURAT NO er eg på utkikk etter ein plass eg kan få henga opp denne gamle ( og ubrukelege ) kikkerten rett og slett berre for stas…

Ei kjedeleg svart kikkertveske er pynta på med maling og decopage i staden for å gå i søppelbøtta.

Ha ei strålande helg folkens !! :0)

Ut på tur–aldri sur…

– i alle fall ikkje sur når ein kan “promenera” i nystrikka jakke med tilhøyrande nysydd veske!

Må sei meg nøgd med vekas prosjekt:0) Jakka vart ferdig og ei lita skulderveske vart skapt.

Her ser du kor mykje eit bilde kan lyga på fargane – samme jakka som på bildet over,men det er det øverste som stemmer best i fargen.

Var visst framleis i “vår-rus” då eg begynte på veska for det har lurt seg med både fugl på grein og egg i reir… Og eit par ekstra lyklar kan vera godt å ha med i reserve – om uhellet skulle vera ute …

Kva har du styrt på med i helga? I morgon er det ny veke og endå eit lite steg nærare vår!

God søndagskveld :0)

Ein gammal gris er ikkje alltid så lett å bli kvitt…

Han her har “forfulgt” meg i over 20 år og hengt seg med på kvart flyttelass. Putta inn i eit skap gong etter gong – i mangel av både ramme og veggplass.

Så her om dagen dukka han nok ein gong opp (eller fram frå eit skåp rettare sagt) og no har eg egentleg veggplass til han… men det mangla framleis glas og ramme. Plutseleg dukka det opp ein ny ide -

 

- og det var å laga ei ramme av stoff!

Ein flekkete og misfarga damaskduk var “som skapt” til formålet!

No har eg eit grisete bilde eg er retteleg fornøyd med, og sjølv om dette er eit Eva Rosenstand-broderi som sikkert mange andre også har brodert i si tid, så er det INGEN som har eit som er likt på mitt :0)

Her skal den opp så snart brannmannen min har laga til ei list den skal henga på.

Så moralen i dette må vera som det har vore – kast ikkje noko du er lei,er gammalt eller du trur du ALDRI kjem til å bruka meir – det kan ALLTID komma til nytte ein vakker dag!

GOD SØNDAG – med eller utan ein gammal gris på kjøkkenet :0)