Mi barndoms jul.

- i ein heim full av kjærleik og omsorg-
Eg vil gå inn i den siste førjulsveka ved å dela litt minner og tradisjonar eg har i forbindelse med jula eg hadde som lita jente.
(oi..dette kan tegna til å verta ein laaang "roman"..)

Det starta med advent då mamma hadde lista seg på tå og hengt opp adventskalendar over senga mi natt til 1.desember.Det var kalendar med nydelege bilder og glitter på,og inni lukene var det små plastfigurar ein kunne laga smykke av.På 24.var det dobbel luke med ein ekstra flott plastfigur...

Det var alltid travelt i desember,med baking og vasking,huset skulle skina frå kjellar til loft og det var heilt sikkert dei 7 slaga ganger 2 når det kom til julebaksten.Rullepølser og sylteflesk,korv og blodpudding..alt vart laga i heimen...

Eg traska rundt i Vossabygda og selde julehefter for Norsk Barneblad,kry som ein hane over å ha eigne pengar til julegåver.Det eg kjøpte til eldste bror min,kjøpte eg ofte til meg sjølv også.Pakka det fint inn og sette lappe på med "Til meg sjølv-Frå meg sjølv".Ingen var i tvil om kven denne "MEG" var då pakkene vart delte ut på julaftan...

Siste søndag i advent baksa me oss oppover i Storåsen med ein diger,blå kjelke på slep.Me skulle henta årets juletre.Det var som regel litt akkedering før me fann godt nok tre for mamma. Så sette me oss på kjelken,alle 4 +juletreet og susa nedover mot bygda att,hoja og sang så det ljoma!

Då endeleg veslejulaftan kom,var det ein heilt spesiell dag.Eg har nemleg fødselsdag 23/12.Noko selskap kom ikkje på tale, MEN;me gjekk på konditori! Det var ikkje "kvardagskost". Kakao med krem og fritt valg i kakedisken,det var stas! Om kvelden var det lutafisk (det måtte min nordlandske far ha med når det var jul) og så var det nattmat..syltelabbar og griseøyrer som me maula heilt til eg vart putta i seng ved midnatt.

På julaftan var det strengt forbudt å gå inn i stova på dagtid.Der pynta foreldra mine til jul og det var ein svært hemmeleg affære... Finlærne kom på kl.15,då var det ut på tunet for å høyra kyrkjeklokkene ringja jula inn.Me sto der så andektige til siste tonane frå klokkene svann og kjende høgtida i heile kroppen.

Og etter det vart stovedørene åpna opp.Juletreet sto ferdig pynta,det var tende lys over alt,julehefter,appelsiner og nøter var sett fram.Eg trur at det er lukta frå denne stunda eg hugsar aller best.Lukta av stearin,grantre og appelsiner som blanda seg med middagslukta frå kjøkkenet der pinnekjøtet kokte.Eg kjenner den så vel når eg blundar att og let minna siga inn.Julelukta heimefrå.Det er ingenting som kjem opp mot den,aldri.

Sidan gjekk juledagane slag i slag,me gjekk julebukk (og mamma var med og spela verkeleg skuespel...),me spelte filipine,var på juletrefestar både ute og heima.#.juledag hadde me fest for alle borna i bygda,uansett alder,her hjå oss.Det var kompensasjon for at eg aldri fekk ha fødselsdagselskap på dagen min.

Så gode minner frå ei tid som aldri kjem att.No er alt så annleis,men mange av tradisjonane har eg teke med vidare.Og etter at eg mista foreldra mine så altfor,altfor tidleg,har eg ei stille stund for meg sjølv natt til julaftan.Eg tenner to lys for dei snille,gode og hjertevarme foreldra mine og tek fram alle dei gode minna medan natta sakte lir mot julaftan morgon.Me skapar minner etter kvart,heile livet,og det er berre me sjølve som kan sørga for at dei vert gode.

God førjulsveke,og skap gode minner...