Klarar ikkje dy meg -

- når nokon så vidt ymtar frampå om ynskje å få sjå bilder av framgangen med sommarstova – ja,då fyk eg som ein vind rundt hushjørna med fotoapparatet i hånda og fingeren på knappen – HEILT KLAR! – bildebloggar som eg er -

Sjå berre her : Opp med nye stokkar i åpninga mot vest, vekk med vindu og vegg mot nord – vips: ny åpning!

Inn att med vindu og vegg i den gamle åpninga,pluss litt ny kledning.Det er litt for tidleg å mala endå,men når nettene blir litt mildare må eg nok fram med malingspann og kost. Og her ser de husmora (?? “husmor” – det er ein leik eg leikar sånn av og til…-) i full gang med å pussa vindusrutene, lyktene er hengt opp att og blomsterkasse-stativa er flytta og hengt på plass. Naboen pleier å koma ned når me held på med noko og lurar på om husbonden får maling eller vatn på hendene mens han spikrar….han synes det ser ut for at eg ikkje ventar til hammaren har slått siste slaget før eg er der med kost eller klut…

Og sjå her ;

Dette lovar godt for sommarværet! Skjora har bygd reiret sitt høgt og fritt i toppen av furua.Det betyr sol-sol-sol !

På nedsida av huset er det nesten som om sommaren er kommen,graset er høgt og grønt,krokusen er avblomstra for lengst og staudane er på veg til å bløma.På oversida av huset står vårløkane i blomst og ein kunne ikkje tru ein befinn seg på samme hustomta.Så mykje har sola å bety.

Så har eg “kreert” litt nytt til sommarstova :

Dette minidrivhuset fann eg i ei restekasse til halv pris hjå Europris.Det er i metall og glas og var kvitmåla.Eg har laga det grått med mørkare patinering,måla ein liten fransk tekst på det og dekorert med bilde av antikke roser. Blomsterpottene passa godt inn synes eg,men eg skal byta ut blomane så snart eg har vore i gartneriet. To små fuglar har også flytta inn.

Og med det samme me har for oss dekorering;

Dette er små “post-steinar”.Eg laga dei ifjor sommar og dei er til god nytte. Glatte,runde steinar har fått serviettmotiv,limt på med decopage og så er det nokre lag med lakk utanpå.Eg har dei liggande på hageborda og brukar dei til å legga oppå dagens post så ikkje brev og aviser skal flagra vekk om det er litt solgangsbris.

Solgangsbris – ååå…-er ikkje det eit fint ord forresten??

For ei fantastisk tid me går i møte no!

Nyt dagane og gøym dei i “minneboka” til dei grå dagane kjem!