På hytta.

Ferie på hytta er også kos, sjølv om den ikkje står i ei grøn eng ved Mjøsas vakre bredde… Me er faktisk nesten heima når me er på hytta, berre 20min.køyring.Likevel er det mykje meir ferie å vera her enn i heimen.

Det er litt av kvart å ta tak i her,så me hadde bestemt oss for å få unna litt av alt som skal gjerast mens me har ferie og så kan me heller ha litt roligare helger her oppe utover hausten.

Eg starta med vasking og skuring av stove og kjøkken. God gammeldags grønnsåpevask gje silkemjuke tømmerveggar og som ein ekstra bonus luktar det reint i vekesvis!

 

Levande lys mot tømmeret = hyttekos i augustkvelden.

Så var det fram med maling og kostar for å ta småtteri som som står att,litt her og litt der… som egentleg er fort gjort når ein berre set i gang,men som har blitt utsett og utsett …. “neste helg MÅÅÅ eg ta det og det…” – og så blir det ikkje gjort i løpet av helga likevel.

Glaskarmar og lister gjekk frå grønt til kvitt denne sommaren. Så mykje lysare og kjekkare det vart! Då alt skulle inn att i stova,vart det ommøblering også.og alt som fylgjer med det (flytting av lampettar,TV-antenne osv.) Då stova var ferdig,sto kjøkkenet for tur. Litt av ein jobb,men no er det gjort og eg GLER meg til å komma opp att til 2 heilt ferdige (og reine!!) rom!

VINDUSVASK PÅ HYTTA

- er ikkje gjort i ei håndvending må du tru! Med gamle 3-fags kobla vindu er den jobben rett og slett eit herk! 46 vindusflater talde eg det til berre i 1.et. og det gjekk ein heil dag før jobben var gjort! Eit strøk med maling var det behov for  på kjøkkenvinduet også,og ein ting dreg  andre ting med seg… i alle fall hjå meg…

Med blankpussa,litt buklete og munnblåste ruter og nymala karmar – ja – så MÅTTE det nye gardiner til også! Å henga opp att dei gamle rosete gardinene var ikkje fristande i heile tatt!

Så vart det ny tur på Vangen – og nye gardiner (og prisen vart langt på veg til eit nytt vindu,men…) Kremfarga lin med nydeleg broderi inntil nyskura tømmervegg – Gjet om eg kosar meg på hyttekjøkkenet no?

I morgon skal de få sjå kva eg har gjort med kjøkkenbordet og stolane….

Ha ein super søndag!