Eg er så eitrande galen!!!

Ja, ikkje berre eitrande galen – men rasande forb…. egentleg!

På fredag hadde me nokre skikkelege vindrosser som tok med seg det meste som var laust – også duken eg broderar siste rest på,for den låg lett henslengt på hagebordet. Då eg kom ut fann eg att broderiet i hagen,saman med ei skjor… (skjære på “fint” eller sjur som far min sa) Skjorene her i Haugamoen er så tamme at dei er med på vatnerunden i hagen for å få dusja seg og sit på rekkverket og ventar på godbitar når me sit ute og grillar. Vanlegvis likar eg godt skjora, men er ikkje så sikker på at eg skal fortsetja med DET!

Antakeleg har ho trudd at dei broderte jordbæra kunne smaka godt, for ho dreiv eit nitidig arbeid med å få dei frå stoffet… Dette vart resultatet! Masse små hol med avhakka trådar, mest rundt kantane men også midt på duken. Eg var NESTEN ferdig med broderiet så eg veit ikkje heilt kva eg skal gjera med den… i første omgang får eg vel setta meg ned med “lappesaker” og sjå kva eg får til, men gleda med duken og broderiet er borte!

Men positive ting har heldigvis også skjedd – for på jonsokaftan fekk me vera med å feira to FLOTTE 50åringar ute på Sotra!

Tusen takk for ein kjempefin dag Anne Karin og Sidsel :0) !!

Og så ynskjer eg alle andre som er innom her ein fin-fin dag også! (med eller utan irriterande skjorer i hagen…)

Litt framgang…..

Eit lite livstegn frå ei litt sjaber Nikoline :0)

Forrige helg var me nordover i konfirmasjon til  eit av våre kjære barnebarn. Ein flott dag med ein flott gut som “gjekk inn i dei vaksnes rekker”

I veka som har gått har det vore så som så med forma, men litt framgang i hageprosjektet har det då blitt… (men det går forholdsvis tregt – dog i riktig retning – på FRAM

MAI:

JUNI:

(Som sikkert dei fleste har forstått så skal eg få meg drivhus) No skal det taksperrer på og i kjellaren står to flotte dører som skal malast og brukast i drivhuset. Hekla gardinkapper til dørene ligg ferdig og klare for oppheng – godt med alt som er gjort, er det ikkje så?

Eg ynskjer alle ein strålande søndag med DUFT AV SYRIN :0)

Ny postkasse :0)

Hei,hei. Har du lyst å sjå den flunkande nye postkassa mi?

Det var det eg visste… *blunk*

Postkassa er kjøpt hjå Landlige Hjem der Anki yter rask og topp service!

Men eg klarde sjølvsagt ikkje “dy meg” når eg ser slike fristande sinkflater som kan målast på – eg måtte fram med penslane…

Motivet vart (som så VELDIG ofte) fuglar. No ventar postkassa på oppheng, men først skal det snekrast stakittgjerde langs gata. Her foregår det mykje for tida, på alle kantar av huset, så neste innlegg skal handla om akkurat det! Då skal me sjå om det har vore noko framgang på prosjektet de fekk eit glimt av i forrige innlegg og jammen fekk eg meg ein god latter mang ein gong når eg las kommentarane og alle dei fantastiske forslaga om kva dette skal bli:0) Takk for at de framleis giddar å legga att nokre ord til denne sløve Nikoline som er så slapp på kommentarfronten for tida!

Ha ein flott maidag då!

Sol frå klar himmel -

                    dag etter dag -

og då må blogg vera blogg fram til regnet kjem….

No er ein mangeårig draum i ferd med å bli oppfylt :0) Dette er i alle fall ein begynnelse…

Ha ein flott kveld!

Brannmannen og hans forhold til Birgitte -

- Birgitte Lid.

Eg har hatt innlegg om henne før. Eg skreiv om denne rivalinna i 2008 og trudde ikkje eg skulle nevna henne fleire gonger. Men i dag føler eg for å bringa henne på banen att.

No er ho så stygg og medfaren etter alle skogsturane ho og brannmannen har vore på at til og med EG føler medynk med henne…

Fredag 13/4 hadde brannmannen fødselsdag og konemor synes gåver skal vera til nytte og noko ein har bruk for. Til eldre ein blir,til mindre har ein bruk for og verre og verre blir det å finna noko nyttig å gje bort. Ikkje i min villaste fantasi hadde eg trudd eg skulle “investæære” i noko til Birgitt `n , men brannmannen har snart slite ut det meste som går an å slita ut på henne og verst av alt har det gått ut over setet – sjå på dette…!

Konemora og ungdommen i huset hadde ein aldri så liten traktorprat og konklusjonen vart at NYTT TRAKTORSETE MED FJØRING var det mest nyttige brannmannen kunne få til fødselsdagen sin. Så no kan dei snart gynga seg avgårde på skogsvegen – HO med si eksklusive HMV hurtigkobling og HAN med fjøring under bakenden…. (eg trur dette kjærleiksforholdet vil vara livet ut) Forholdet er intenst og spesielt kvar vår tilbringar dei svært mykje tid saman!

Apropos vår – i går sat me ute i varmande vårsol , i dag ser det slik ut på terassen og hagemøblane (og jadden meg har Birgitte klart å stikka fram det lange snyteskaftet sitt på dette bildet også!)

Det skiftar fort, men uansett så er det altså 14.april og første sommardag på primstaven i dag. GOD HELG :0)

Ein trappestolpe blir til…

Av og til kan det vera vanskeleg å finna noko i butikken, noko som ein har sett for seg i sitt “indre” men som ikkje finnes for salg… Som f.eks.ein trappestolpe –!

I trappegangen her på Junibakken var det tidlegare ein vegg fram ved sida av kjellardøra her og trapperekkverket var festa i veggen. Denne veggen vart riven då me dreiv med renoveringa og sidan har rekkverket stått og dingla i lause lufta utan noko “å klamra seg fast til”. I mitt einfald trudde eg at ein trappestolpe var ei smal sak å få fatt i… jammen sa eg smør!! Sååå kjedelege , spinkle og moderne – passa ikkje inn i eit hus frå 1947 i heile tatt!

Men DÅ, ser du – det er DÅ det er kjekt å ha ein brannmann som i tillegg til å sløkka brannar også mestrar det meste og får til det meste – ein riktig handyman! (uff, no veit eg at han blir ille til mote når han ser dette,han likar ikkje at eg skryter “offentleg” av han…) Nikoline tegnar og fortel *les : bestemmer* og brannmannen sagar og spikrar akkurat slik ho vil ha det:0)

Ein gammal sprukken stokk kom heim frå ein annan brannmann som ikkje hadde bruk for den lenger, listebitar i diverse utgåver vart saga til, og vips – ! Nikoline hadde fått seg ein trappestokk AKKURAT slik ho hadde sett det for seg i sitt “indre”!  Eg er vel heldig!!

I trappa er det no kome opp gardiner i vindauga, gammal hardangersaum etter mamma, ein stige har fått pyntehåndduken som høyrer til gardinkappa og ein pose eg har malt sauer på.

Her er trappa sett frå 2.et.

Når trappestolpen har fått eit par strøk til med maling skal det malast Nr.5 på med lys grå og så skal de få eit heilheitsbilde til slutt.

Ha det fint min venn :0)

Hei, og god påske alle saman!

Her dansar snøfillene i lufta og skodda heng tung nedover i fjellsidene. Men me kan ikkje klaga, det har vore nokre strålande solskinnsdagar til no og i morgon lovar metreologane ei stor gul sol og blå himmel att.

Med sol og klarvær fylgjer kalde netter, det har vore både 7,8 og nesten 9 kuldegrader på morgonen. Då er det viktig å tenkja på stumpen når ein set seg ut i solveggen!

- og nettopp DET har eg hatt i tankane -

Gode tova sitteunderlag i reinaste ull… sjølvsagt med litt “dikkedariar”…

4 stk.i forskjellige grå nyansar er ferdige og det 5.er på pinnane.

Eg har nålefilta motiv og det er blitt både sopp, pus og harepus, det neste skal få musemotiv. Meininga var å ha ein raud tråd i motivvalg,men det vart det så som så med. Men ein raud knapp som gjennomgangstema er vel like så bra,det.

Hageputer og pledd er funne fram frå skapa – enn så lenge ligg det fint dandert innomhus. Me satsar på morgondagen :0)

Ha ein fin påske vidare!