Novemberpussel.

Det er så utruleg mykje fint å få kjøpa rundt om i nettbutikkane når ein sit og kikkar og "blar".Og no når julevarene er på plass er det spesielt mykje som fristar, Inspirasjon får ein også,og i dag sette eg i gang med adventslys etter å ha vore ein runde rundt på nettet.

I mangel av gamle potter med naturens eigen patina,vart det måla og limt litt på 4 stk.av nyare dato.
På trehjerter frå hobbybutikken har eg limt papir (utskrift frå dataen) sverta dei litt på kantane og måla tal frå 1 til 4 og hengt på eit lite,grønt glasslauv.Lysa er kjøpt på Europris,dei er nydelege i kremfarga med gullstjerner på.

Første og andre søndag i advent er klar.
Eg har fyllt pottene med sand slik at det vert litt tyngde i det og lysa står stødig. (då er det berre mosen brannmannen min ikkje kjem til å lika...)

For oppå sanden har eg pynta med mose.

Har tenkt at ei brikke med litt anna "dilldall" skal vera underlag for pottene.Bilde av heilt ferdig prosjekt får koma seinare.I utgangspunktet var eg tenkt å venta med alle bilda til advent,men om nokon har lyst å "kopiera" dette så vert det i seinaste laget å visa bilda når 1.søndag i advent er her.

Litt meir klipping og liming er det også vorte tid til. Dette er til eit "stilleben" eg har tenkt i vindfanget til advent.Gråpapirpose og nokre pakker som skal vera til grønt bar og skeiser og den tova sokken eg har laga.

Då eg var på Europris for å kjøpa lys,frista ein stor engel meg.. den vart med
heim saman med ny lysslynge.

Så er det mange som trur eg er på messe denne helga ser eg,men det er eg altså IKKJE. Eg har ikkje meldt meg på noko stad då eg har hatt for dårleg tid til messeproduksjon. MEN! - første helga i desember er me 3 damer som skal ha vår eiga messe. Peisestova i eit ungdomshus skal forvandlast frå peisestove til ei vidundarleg julestove-- trur eg...
Julemesse vert det i alle fall! Så får me sjå kor stort vareutvalget vert etter kvart,det er endå att eit par-tre veker å produsera på...


God søndag!