“Samlingsstund”

– ved kjøkkenbordet.

Det er tidleg morgon i august,gradestokken visar 12 grader utanfor,det regnar og skodda heng tung nedover fjellsidene. OG EG STORKOSAR MEG!! Dette er mi tid på året! Mens eg nynnar på “en sommer er over” fyrer eg i kjøkkengrua og dekkar frukostbordet på hytta. Varmen sprer seg i tømmerveggane og me har ei lita samlingstund – me toan – min kjære og eg.

Me utvekslar kva som står på dagsordenen hjå kvarandre, kva me må ha hjelp til av kvarandre i løpet av dagen, pratar litt om laust og fast før me går kvar til vårt. Han snekrar og murar nytt vindfang/bod i kjellaren og eg stullar med mitt som for tida går i vasking og måling. Som sagt så er no all tømmera skura med grønnsåpe, tak/lister/karmar er nymåla, alle møblar har vore ute på terrassen og fått ein real omgang med teppebankaren, koparkjelar og div. skin med nypussa glans og alt av tekstilar er vaska og stroke. “Jau,dette er ferien sin det” seier du kanskje, men det var verkeleg ein god ferie… Ingen av oss to trives så godt med å sitta i sofaen og glo,me må ha litt arbeid på gang. Og når ein styrer tida og tempoet sjølv er det berre kjekt å driva på.

Men me passar også på å ta oss tid til både fisking,håndarbeid og hyttekos. Og “samlingstund” – den er også viktig å ta seg tid til…

Så var det “makeoveren” av bord og stolar som eg skreiv i går… eller “ansiktsløft” om du vil… Stolane var rosa (!!!),ein slags suppe/lakserosa farge.3 strøk med kvitt,(“krem” heiter fargen eg brukar på alt forresten) og så frista det med ein aldri så liten dekor på stolryggen.

Bordet hadde ei nokså ødelagt bordplate,så her valgde eg å behalda understellet originalt og så måla eg bordplata kvit. Det er skuffe under bordplata og her måla eg ei lita påskrift og eine hjørna fekk påmåla nokre egg.

Ein ide eg har hatt “lagra” ei stund etter at eg såg nokre broderte brikker (trur det var brikker) på ein eller annan stad på nettet,vart sett ut i livet i løpet av ferien. Ein linstoffrest og litt restegarn vart til ein liten og sjarmerande duk på det nymåla kjøkkenbordet.

Hønete som eg er,er dette midt i blinken på mitt hønefyllte kjøkken….

Gje oss idag vårt daglege egg…

Og i morgon…. tja.. kanskje det blir om ein gammal benk då, eller ein skatt me har i kjellaren på hytta…

Eg har ikkje fått tid innom på besøk til ALLE endå,men eg kjem smått om senn… inntil dess ; GOD MANDAG OG EI RIKTIG GOD NY VEKE :0)