Litt om meg…..

Stubbetufsa har gitt meg ein utmerkelse og ei utfordring.Eg skal skriva 7 ting om meg sjølv og utfordra 7 nye bloggarar. Skal prøva å finna på noko eg ikkje har skrive om meg sjølv tidlegare,men det har vore ein del liknande utfordringar før så det kan godt henda det blir noko gjentakelse her… de får bera over med det i så fall… Stubbetufsa gir meg utfordringa for at eg skal ha litt anna å tenkja på,ho seier “ fordi hun arbeider for mye med sine malestykker”… derfor passar det godt å gå i arkivet å finna bilder av “mine malestykker” idag synes eg…. og har de sett nokre av dei før,ja….så får de bera over med DET også…..

*Eg er oppvaksen med berre brødre og det er 5 år mellom oss alle 4

*Leikekameratane mine var ein kvit katt med eitt grønt og eitt blått auge og ein lyseblå undulat som heitte Pelle.Eg lærde den opp til å sei navnet sitt.

*Me hadde sauer,grisar,høner og to travhestar,likevel er eg LIVREDD hestar! (i tillegg til veps!!)

*Var vel det ein kallar skuleflink,men gifta meg tidleg og vart aldri ferdig med utdanninga mi (som skulle bli lærar)

*Har 3 born,2 av dei er døve så eg har vore dagleg “to-språkleg” fram til dei vart vaksne og flytta heimefrå

*Har totalt og fullstendig flyskrekk,likevel har eg flaksa heilt til Amerika!!

*Etter 50 år i barndomsheimen skal eg flytta i løpet av 2010…..

Dett var dett, og ettersom dei fleste har tatt denne utfordringa no etterkvart, sender eg den vidare til dei som ynskjer å ta den,men ikkje har fått den.

Apropos det siste punktet på “lista”mi – no er me komne i gang så smått i “Gatehuset”, i gårkveld vart første veggen riven på det som skal bli arbeidsrommet mitt og der eg skal driva med mine “malestykker” (eit flott ord det der…)

HA EIN STRÅLANDE TIRSDAG , og tuuusen takk for alle kjekke kommentarar eg har fått på det siste innlegget!!!