lørdag, desember 31, 2011

Takk for året som har gått.

Det har vore eit nokså turbulent år med mykje sorg og uro, men også med store gleder.

furte_engel-tile

Det verste har nok vore all sjukdomen i vår næraste familie på begge sider med tilstandar som kreft og hjartestans der ein ikkje visste kva utfallet ville verta, men innimellom all uvissa,vonde dagar og nattevåk har det vore store glimt av glede.

I slutten av juli kom vesle Leah til verden (vårt 4.barnebarn) og me fekk ein SUPER tenåring i heimen, David på 15 år!

DSC00648 (Kopier)-tileDSCN4734-horz

Hus og atter hus har stått på agendaen gjennom heile året,så eg får la dette bildet vera representativt for 2011…..

mai 09 150-tile

No går me inn i 2012 med EITT stort ynskje – at det skal enda bra med alle i familien og at storebror kan erklærast frisk utpå vårparten!

Sorger og gleder i kvardagen er vel Å LEVA – sjølve livet – men eg håpar på at det ikkje vert like mykje av det i året som kjem som det var i året som gjekk. Litt mindre LIV med andre ord.

Då takkar eg for all glede de har gitt meg gjennom bloggen i “gode og vonde dagar”, eg har sett stor pris på kvart enda ord!

DSCN4645-horz

Ynskjer alle eit riktig GODT NYTT ÅR og takkar for det gamle. Måtte kvar og ein få fine,nye dagar!

Nyttårshelsing frå Nikoline

torsdag, desember 29, 2011

Bekymringsmelding–korleis vil dette ende???

Kalendaren viser 29.desember -

DSCN4749-horz

Adventstakar står framleis i vidaugskarmen og nissane kosar seg framleis i “rampelyset”…

Og i mildværet tok eg ein rusletur rundt i hagen. Til stor bekymring….

page1

Slik ser det altså ut i blomsterbeda – alt spirer og gror! Aller verst synes eg det var å sjå clematisen stå med store skudd der til og med bladverket var godt utvikla :0( Det kan jo ikkje gå anna enn gale!

page1-tile

Melsdagane i fjor baud på meterhøg snø og mellom 25 – 28 iskalde grader, i år ruslar ein rundt huset på barmark og ser det spirer og gror. Kontrastane er store! Har du teke ein titt i dine blomsterbed…??

nissar-tile

Tusen takk for alle gratulasjonane med vel overstått gebursdag, riktig koseleg!! Og framleis god jol :0)

tirsdag, desember 20, 2011

God Jul til store, God Jul til små – God Jul til alle som bankar på!

Tida strekk ikkje til for alt ein har tenkt den til, og då er det først og fremst blogginga det går ut over…

Eg nyttar høvet i dag til å ynskja alle som ein ei RIKTIG GOD JUL!!

DSCN4568-horz-tile

Me knottast utpå nyåret om ikkje før :0)

PS:

DSCN4623-tile

“LAFFEN” har fått seg nye klær til han skal helsa på folket som hastar forbi i gata, men nye sokkar og sokkaband lyt han venta med til matmor finn fram att strikkepinnane i melsdagane. (  Han kan ikkje forventa å få ALT på ein gong – sjølv om han er blitt sjefsnissen i heimen….!)  

Siste PS:

DSCN4626-tile

Hanguren idag – minus 5 grader og strålande sol – ein draumedag i førjulstida!

onsdag, november 30, 2011

Ein får gjera det beste utav det -

og prøva på litt julestemning via bilder i ruskeveret!

Først til det “hemmelege” prosjektet som har vore på gang i heimen.

DSCN4436-tile

Med tenåring i hus må det adventskalendar på veggen att etter gamalt, og 15 år er såvisst inga aldersgrense for den slags sjølvsagt… Fleire gonger har tenåringen stillt spørsmål om kva eg strikkar på og kvar gong har han fått samme svaret – ei hemmelegheit -

page2

I dag har eg hengt hemmelegheita på veggen til han kjem frå skulen og oppi kvar vott er det putta i noko godt, alt klart for morgodagen :0)

Og mens regnet piskar på rutene idag, blir Storenissen stadig meir “kledd” for vinter og snø før han skal leva eit kaldt trappeliv om nokre veker…

page

Han har fått vottar med grått rosebroderi, strikka kant på hua slik at det blir heitt om øyrene, og han har fått ringledusk i toppen av hua slik at han kan sjå kva retning vinden bles til ei kvar tid… Viktige ting for ein nisse alt i alt… Men jakka er ikkje begynt på endå,håpar han får den til jul.

Eg er i 0,0 julestemning og “pynten” denne veka er eit par rosevottar slengt over rokken og eit tovahjerte (meir eller mindre slengt det også) på ein krok i hallen….

page3

Er det været som kan ta skulda???

søndag, november 27, 2011

God 1.adventsøndag i by og bygd.

Ei heilt enkel adventspynting vart det på Junibakken i år.

DSCN4409-vertDSCN4423-vert

Og dette er “garasjeprosjektet” eg har skrive om tidlegare på bloggen -

DSCN4412-vertDSCN4414-vert

Vinduet vart bytt ut i ei enkel vindusramme – det vart så tungt med glas i…

DSCN4416-vertDSCN4415-vert

Som du ser så er det klart for å snøra på seg skøytene for både Nikoline og Brannmannen, det er berre det at Vangsvatnet ligg uten is og plenane er grøne og frodige i Vossebygda (og at det er nærare 40 år sidan både Nikoline og Brannmannen gjekk på skøyter på “Vangsen”)

DSCN4420-vert

Det er ikkje mykje julestemning å spora utendørs, det bles og regnet piskar mot rutene, då er det godt å vera inne, fyra i ovnen med sprakande bjørkeved, tenna levande lys og finna fram strikketøyet.

DSCN4427-vert

Kos deg du også:0)

fredag, november 25, 2011

Ein raud tråd -

- i desse førjulstider…

Ikkje før har eg lova både meg sjølv og andre at symaskina skal pakkast langt inn i skapet så er den søren meg komme fram att !! Det er ikkje snakk om mykje sjølvdiseplin her i gården…

DSCN4391-tile

Men fiiine julestoff fristar – og nokre koppunderlag er det vel så absolutt behov for til jul??

DSCN4393-vert

MUGRUGS pynta med litt grøne sting og perler – synes dei vart fine eg:0)

Og meir raud tråd vart funnen fram – av litt tjukkare slag. Og her kjem dette med sjølvdisiplinen inn att… Eg hadde lova meg sjølv at i år skulle det ikkje ein einaste ny nisse i hus!

DSCN4377-horz

Og kva trur du eg gjorde då eg såg denne sjarmøren sto og blunka til meg? Tok han med heim…

Til mitt forsvar kan eg sei han skal ikkje inn i hus, han skal stå ute på trappa. Men enn så lenge må han opphalda seg i ei mørk krå innandørs for han var ikkje så veeeldig velkledd stakkar…

DSCN4395-horz

Det første han får av nytt er raude “sokkar” og raude vottar må han ha når han skal ut. Seinare vert det ny lusekofte, de skal få sjå kor staseleg han vert!

Ute lynar og tordnar det no så det luraste er å avslutta innlegget her og no og få slått av dataen, men ein bitteliten smugkikk på adventsprosjektet som går føre seg i garasjen skal de få før eg dreg ut kontakten.

DSCN4386-tile

Ei riktig,riktig god adventshelg ynskjer eg alle som er på besøk her:0)

søndag, november 13, 2011

Oldemor Petrine samla neppe inn kongler og kvist…

– men broderimønster samla ho i alle fall på!

Eg har eit søskenbarn som er så heldig at ho har arva masse,masse gamle mønster og tegningar etter oldemora vår, og eg er så heldig at eg har fått tatt del i “herligheten”…

DSCN3246-tile

Til dåpsdagen min fekk eg ei lita kiste og syskrinet til oldemor  i gåve av henne. Syskrinet hadde ho fått hjå sin bestefar (altså min tip-tip-oldefar) og det var fyllt med gamle mønster,tegningar og utklipp. Det har eg kasta då eg var jentunge … at det GÅR AN !!!! Men som sagt, eg har fått “litt  igjen” og eg ser no kven eg har arva min lidenskap for ord og initialar av. Det er dusinvis med variasjonar av alfabet og visdomsord m.m. etter oldemor.

DSCN3253-vertDSCN3229-vert-vert

Duken bredes,bordet Prydes, The og kaker mykke bydes. I huset vorde ro, fred, Kjærlighet og tro.

Uten arbeid og umag, ingen rett lykksalig dag.

Små ord av kjærlighet sagt hver dag, gir hjemmet lykke,trivsel og behag.

Eg skal ta godt vare på denne skatten etter vår kjære oldemor frå Lurøy på Helgelandskysten, og eg håpar eg ein gong får tid til å sy/brodera ein del av dette ho har sete og gjort før meg.

DSCN3311-vert

*******     *******     *******     *******     *******     *******     *******

Så over til MI SAMLING – dagens fangst etter søndagstur i skogen.

DSCN4299-vert-vert-tile

Dette skal det bli mykje fin julepynt av…. 

DSCN4306-vert-vert-vert

Og mens konglene kosar seg på 50 grader i ovnen og blir lubne og blanke, er det så smått begynt å bli hjerter av mosen. I garasjen står det ei vindusramme, ei lyslenke, einerbusker og eit par skøyter som fristar veeeldig å få gjort noko med – men det er framleis 2 veker att til advent så eg må la det bero ei stund til…. LYST Å SJÅ KVA DET BLIR??

DSCN4295-vert-vert

 

Med 1000 idear i hovudet ynskjer eg deg ein flott søndagskveld og kreative veker fram mot advent:0)

fredag, november 04, 2011

Ha ei fin-fin helg…den første i november:0)

Det var fleire som håpa på å få sjå ferdig resultat av julesokkane -

 DSCN4255-horz

- så her kjem bilder på dei første som er blitt heilt ferdige.

DSCN4256-horz-vertDSCN4265-horzDSCN4266-horz

Ei avslappande helg står for døra her i huset, bortsett frå litt vasking skal eg berre kosa meg med ting eg likar å gjera. Eg skal også prøva å få lagt att litt kommentarar rundt i blogglandia, så får me sjå korleis det går…. gong på gong skjer det at eg blir logga av når eg skal “publisera” kommentaren – håpar det er tilvenning frå ny fiberkabel som gjer det og at det vil gå seg til etter kvart. Hjå nokon går det heilt greit,hjå andre er det reine “marerittet”- som hjå deg Berit T… har lagt inn kommentar 5 gonger uten hell… men eg har slett ikkje gitt opp så eg kjem innom att utover kvelden:0)

DSCN4262-vert

Me skriv som sagt novemberhelg – og med denne einslege novemberblømande rosa på terrassen i låg novembersol ynskjer eg alle ei riktig god helg! 

DSCN4279-horz-horz

onsdag, november 02, 2011

I kveld slår eg eit slag for husbonden…

Eg var så vidt innpå det tidlegare her, husbonden hadde vore på handel.

page1

Overraskelsen var stor kan eg lova, han kom heim med benk og konsollbord til hallen.

page2

Veeeldig fornøyd konemor:0)

(Eg har store problem å komma inn på googlekontoen min for tida, nokon andre som strir med samme problem eller kan ny fiberkabel i distriktet her vera årsaka skal tru?)

fredag, oktober 28, 2011

Vesle søte Hønse-Lovise og vennene hennar.

Aldri har eg vel kost meg meir med eit arbeid enn eg gjer no!

DSCN4245-vert

Eg produserar julesokkar – og eg får tegna, mala, brodera og pynta på eitt og samme arbeidet :0)

DSCN4236-vert-tile

Først tegnar eg opp eit koseleg motiv -

så er det fram med måling og penslar -

etterpå er det nål og tråd for å brodera rundt smånissane -

så må motivet plasserast og sokken syast -

DSCN4248-vert

og heilt til slutt skal det pyntast med bånd,litt grønt og tova hjerter.

DSCN4246-vert-horz

10 julesokkar er i produksjon,alle med forskjellige motiv. Hønse-Lovise er den søtaste der ho tøflar ut for å henta egg til julefrukosten… – mens Sigurd må vel vera Kongen av Piruettar…?

Dette er salsprodukt, men eg held på med litt smånissebroderi til mitt eige julehus også.

DSCN4250-vert-vert

To puter og ein liten snippduk til hallen skal dette verta. Tenåringen i huset er litt “oppgitt” over at huset flyt av nissar rundt om i oktober månad, men skal det verta ferdig til denne jula må eg nok berre fortsetta med nissar og raud tråd i ledige stunder.

Siste helga i oktober står for døra, me går inn i den mørke november og klokka skal stillast til vintertid. Eg er så smått begynt å venta på snøen og vert som ein unge når dei første snøfillene dansar i lufta, då dansar Nikoline med!!

Ha ei flott helg folkens – eg for min del skal tilbringa heile laurdagen på biblioteket (og håpar på å komma heim til ferdig graut kl.15… las du dette – brannmannen min..??)

onsdag, oktober 05, 2011

Trur du at dei gamle munkane likte blondestas?

  - eg trur – I alle fall nokon av dei…

Eg likar munkar – Bergslien sine munkar – og no har eg tatt det heilt ut. Dei er havna i sofaen saman med meg!

DSCN4074-vert

DSCN4062-horz

Dei er runde og joviale og dei har det rette glimtet i auga. Dei er nokså drikkfeldige og nokså glade i damer.

Eg likar dei….

DSCN4061-vert

Dette er heilt sikkert Andreas, på ein bedageleg rusletur i kveldinga. Han funderar over livet der han tuslar fram på den smale sti.

Eg likar han….

DSCN4065-vert

Og “Han Peder” er den som er mest frimodig av dei.Han likar det vakre og går ikkje av vegen for ein liten flørt.Blir han overstadig frista flytter han bønelekkja bak på ryggen.

Eg likar han også….

DSCN4064-vert

“Johan” er meir fanden-i-volsk og agnar gladeleg med levande frosk på fisketuren.   – og dessuten har han neglesopp på stortærne -

Eg er ikkje heilt sikker på om eg likar han… Aller nådigst får han vera med i sofaen.

DSCN4087-vertDSCN4070-vert

Favorittmunkane er brødreparet “Elias og Pondus”. Dei er alltid blide,dei puslar stort sett i hagen og passar godt på urtebeda men dei har sine svake sider dei også.Elias brukar seine kveldstimar til hekling og brodering, mens Pondus tel mykje på knappane om han har tatt det rette valget her i livet

Åhh… kor eg likar dei….!

DSCN4073-vert

Og trur du ikkje – i all si frimodigheit – ville dei sanneleg ha seg eit nummer også…? (og eit nummer fekk dei)

DSCN4081-vert

Slik drøymer Nikoline seg bort i eventyr og fantasiar, spinn historiar og “døyper” dei med navn, mens ho storkosar seg med å sy nye puter med blonder og stas til sofaen.

Ha ein fin,god dag, med eller uten godslige munkar til selskap:0)